خور۔^([1]) (7):کاہِن (یعنی نجومی) (8):جادُو ٹونہ کرنے والا (9):تکبر کے ساتھ پاجامہ یا تہبند ٹخنوں سے نیچے لٹکانے والا (10):مسلمان سے بلا اجازتِ شرعی بغض وکینہ رکھنے (یعنی دِل میں دُشمنی چھپانے) والا بھی اس رات مغفرت کی سَعَادت سے محروم رہتا ہے۔^([2])

مغفرت کا ہوں تجھ سے سُوالی                                                                  پھیرنا اپنے دَر سے نہ خالی

مجھ گنہگار کی التجا ہے                                                                                                                        یاخُدا! تجھ سے میری دُعا ہے

نارِ دوزخ سے مجھ کو اماں دے                                                             مغفرت کر کے باغِ جِناں دے

کر دے رَحْمت مری التجا ہے                                                                      یاخُدا! تجھ سے میری دُعا ہے^([3])

اللہ پاک آج کی اس بابرکت رات کے صدقے ہم سب کو مغفرت کی خیرات نصیب فرمائے*سچی توبہ کی توفیق ملے*گناہوں سے نفرت ہو*نیکیوں کی کَثْرت ہو*اللہ پاک اور اس کے پیارے حبیب صَلَّی اللہُ عَلَیْہِ وَ آلِہٖ وَ سَلَّم کی رضا آج کی رات ہم سب کو نصیب ہو جائے۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم  ۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

لوہے کے مُنہ والا شخص

پیارے اسلامی بھائیو! آئیے ایک عبرت ناک واقعہ سن کر عبرت کا سامان کرتے ہیں۔ حضرت مَرثَد بن حَوْشَب رَحمۃُ اللہِ عَلَیْہ  فرماتے ہیں: میں حضرت یوسُف بن عَمْرو رَحمۃُ اللہِ عَلَیْہ  کی خِدْمت میں حاضِر ہوا، ان کے پاس ایک عجیب شخص بیٹھا تھا،جس کے چہرے کا کچھ حِصَّہ لوہے کا تھا۔ اس شخص نے اپنا قِصَّہ بیان کرتے ہوئے کہا: میری جوانی کے دِن تھے،