Book Name:Insan Khasary Mein Hai
افسوس ! ہم نہیں ڈرتے ، سُستی کرتے ہیں ، غفلت میں پڑتے ہیں ، مال و دولت کی حِرْص ، دُنیوی عہدوں کی طلب اور نفس و شیطان کے بہکاوے میں آکر آخرت کو بھولتے اور گُنَاہوں میں پڑتے بلکہ بُرائیوں پر اَڑتے ، توبہ سے بھاگتے ہیں ، لوگوں سے شرماتے مگر رَبِّ رحمٰن سے حیانہیں کرتے ، رات کے اندھیرے میں ، بند کمرے میں چُھپ کر گُنَاہوں کا بازار گرم کرتے ہیں مگر یاد رکھئے ! روزِ قیامت ہمارا کوئی عَمَل چُھپ نہیں پائے گا ، ہر چھوٹے سے چھوٹا بڑے سے بڑا عَمَل ہمارے سامنے کر دیا جائے گا۔اللہ پاک فرماتا ہے :
فَمَنْ یَّعْمَلْ مِثْقَالَ ذَرَّةٍ خَیْرًا یَّرَهٗؕ(۷) وَ مَنْ یَّعْمَلْ مِثْقَالَ ذَرَّةٍ شَرًّا یَّرَهٗ۠(۸) (پارہ : 30 ، اَلزِّلْزَال : 7-8)
ترجمہ کنزُ العِرْفان : تو جو ایک ذرّہ بھر بَھلائی کرے وہ اسے دیکھے گااور جو ایک ذرّہ بھر بُرائی کرے وہ اسے دیکھے گا۔
خُدائے قَہّار ہے غضب پر ، کُھلے ہیں بدکاریوں کے دفتر
بچا لو آ کر شفیعِ مَحْشَر تمہارا بندہ عذاب میں ہے([1])
اپنا وقت نیکیوں میں گزارا کیجئے !
اے عاشقانِ رسول ! اندازہ کیجئے ! اتنا ہولناک دِن ہمارے سامنے ہے اور ہم لمحہ بہ لمحہ قیامت کے قریب تَر ہوتے چلے جا رہے ہیں۔آہ ! روزِ قیامت زندگی کے ایک ایک لمحے کا حِساب دینا ہو گا ، آج اگر ہم اپنی زندگی کی قدر نہ کر پائے ، یہ تیز رفتاری سے چلتا ہوا وقت... ! ! اگر ہم اس میں نیکیاں نہ کر پائے ، دِن رات گُنَاہوں ہی کا بازار گرم رکھا اور اللہ نہ کرے ! اگر روزِ قیامت پکڑ ہو گئی تو غور فرمائیے ! کس قدر نقصان ہو گا... ! ! ہم کتنے