اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّ حِیْم ط
  اللہ پاک کے 99ناموں کی بَرَکتیں
دُعائے عطار : یا  اللہ  پاک!جو کوئی 16صفحات کا رِسالہ ’’  اللہ  پاک کے 99ناموں کی برکتیں‘‘پڑھ یا سُن لے اُس کی روزی میں برکت دے ، اُس پر دُنیا و آخرت میں اپنا خاص فضل و کرم فرما اور اُسے بے حساب بخش دے۔ 
  اٰمِین بِجاہِ النَّبِیِّ الْاَمین صَلَّی اللّٰہُ عَلَیْہِ وَاٰلِہٖ وَسَلَّم 
  
دُرُود شریف کی فضیلت
  اللہ   پاک کےآخری نبی   صَلَّی اللہُ عَلَیْہِ وَاٰلِہٖ وَسَلَّم   نے اِرشادفرمایا : جس نے مجھ پر 100 مرتبہ دُرُودِ پاک پڑھا   اللہ  پاک اُس کی دونوں آنکھوں کے درمیان لکھ دیتا ہے کہ یہ نِفاق اور جہنّم کی آگ سے آزاد ہے اور اُسے بروزِ قیامت شُہَدا کے ساتھ رکھے گا۔ (  مُعْجَم اَوسَط   ،    ۵  /   ۲۵۲ ،   حدیث :   ۷۲۳۵ ،   دار الکتب العملیة بیروت  )
  صَلُّو ا عَلَی الْحَبِیب صلَّی اللہُ علٰی محمَّد
  
آپ انسان ہیں یا جِنّ؟
 مشہورصَحابی حضرتِ سیِّدُنا ابودَرْدا   رَضِیَ اللہُ عَنْہ  کی کنیز نے ایک دن عرض کیا : حُضور! سچ بتایئے کہ آپ انسان ہیں یا جِنّ؟ فرمایا :   اَلْحَمْدُ لِلّٰہ   میں اِنسان ہی ہوں۔ کہنے لگی : مجھے تو انسان نہیں لگتے کیوں کہ میں چالیس دن سے لگا تار آپ کو زَہرکِھلا رہی ہوں مگر آپ کا بال تک بِیکا نہیں ہوا ! فرمایا : کیا تجھے معلوم نہیں جو لوگ ہر حال میں   ذِکْرُ اﷲ   کرتے رہتے ہیں اُن کو کوئی چیز نقصان نہیں پہنچا سکتی اور میں   اَلْحَمْدُ لِلّٰہ   اِسمِ اعظم کے ساتھ   اﷲ   پاک کا ذِکْر کرتا ہوں۔ پوچھا : وہ اِسمِ اعظم کون سا ہے؟فرمایا : (میں ہر بار کھانے پینے سے قبل یہ پڑھ لیا کرتا ہوں : )
  بِسْمِ اللہ ِالَّذِیْ لَا یَضُرُّ مَعَ اسْمِہٖ شَی فِی الْاَ رْضِ وَلَا فِی السَّمآءِ وَھُوَ السَّمِیْعُ الْعَلِیْم  ۔ (یعنی   اﷲ   پاک کے نام سے شروع کرتا ہوں جس کے نام کی بَرَکت سے زمین و آسمان کی کوئی چیز نقصان نہیں پہنچا سکتی اور وہ سُننے جاننے والا ہے)
 اِس کے بعدآپ   رَضِیَ اللہُ عَنْہ   نےفرمایا کہ تو نےکس وجہ سے مجھے زَہر دیا؟ عرض کیا : مجھے آپ سے بُغْض تھا ، یہ جواب سنتے ہی آپ   رَضِیَ اللہُ عَنْہ   نے فرمایا : تُو   لِوَجْہِ اﷲ  (یعنی   اللہ   پاک کیلئے)آزاد ہے اور تُو نے میرے ساتھ جو کچھ کیا وہ بھی میں نے تجھے مُعاف کیا۔ (  حَیاةُ الحَیوانُ الکُبریٰ   ،   باب الحاء   ، ۱  /      ۳۹۱ ،   دار الکتب العلمیة بیروت   ، فیضانِ   بسم اللّٰہ   ، ص158 ، مکتبۃ المدینہ کراچی)
99 اَسْماءِ حُسْنٰی اور ان کے فضائِل
ہر وِرْدکے اوّل وآخرایک بار دُرُودشریف پڑھ لیجئے ، فائدہ ظاہرنہ ہونے کی صورت میں شکوہ کرنے کے بجائے اپنی کوتاہیوں کی شامت تصورکیجئے اور   اللّٰہ      پاک کی حکمت پرنظررکھئے۔ 
(1)   یَا اَللّٰہُ :   جوہر نَماز کے بعد 100بار پڑھے   اِنْ شَآءَ اللّٰہ  اُس کا باطن کُشادہ ہوجائےگا۔ 
(2)   ھُوَاللّٰہُ الرَّ حِیْمُ   : جوہرنَمازکے بعد7 بارپڑھ لیاکرے گا   اِنْ شَآءَ اللّٰہ  شیطان کے شَرسے بچا رہے گا اور اُس کا ایمان پرخاتمہ ہوگا۔ 
(3)  یَاقُدُّوْسُ   : کا جو کوئی دورانِ سَفَر وِرْد کرتا رہے   اِنْ شَآءَ اللّٰہ  تھکن سےمحفوظ رہے گا۔ 
(4)  یَارَحْمٰنُ   : جو کوئی صُبْح کی نَماز کے بعد 298 بار پڑھےگا خُدائے پاک اس پر بہت رَحْم کرے گا۔   اِنْ شَآءَ اللّٰہ 
(5)  یَارَحِیْمُ   : جو کوئی ہر روز 500 بار پڑھے گا   اِنْ شَآءَ اللّٰہ  دولت پائے گا اور مخلوق اس پر مہربان اور شفیق ہو گی۔ 
(6)  یَامَلِکُ   : 90بار جو غریب و نادار روزانہ پڑھا کرے   اِنْ شَآءَ اللّٰہ  غربت سے نجات پائے گا۔
(7)  یَاسَلَامُ   : 111بارپڑھ کربیمارپردَم کرنے سے   اِنْ شَآءَ اللّٰہ  شِفا حاصِل ہوگی۔ 
(8)  یَا مُؤْمِنُ   : جو 115 بار پڑھ کر اپنے اوپر دم کرے گا   اِنْ شَآءَ اللّٰہ  تندرستی پائے گا۔ 
(9)   یَامُھَیْمِنُ   : 29 بار روزانہ پڑھنے والا   اِنْ شَآءَ اللّٰہ  ہرآفت وبلا سے محفوظ رہے گا۔ 
(10)   یَاعَزِیْزُ :   41 بارحاکم یا افسروغیرہ کے پاس جانے سے قبل پڑھ لیجئے   اِنْ شَآءَ اللّٰہ  وہ حاکم یا افسر مہربان ہوجائے گا۔ 
(11)  یَاجَبَّارُ   : جواس کا مسلسل وِرْد رکھے گا اپنی غیبت سے   اِنْ شَآءَ اللّٰہ      بچا رہے گا ۔ 
(12)   یَامُتَکَبِّرُ :   21بار روزانہ پڑھ لیجئے ، ڈراؤنے خواب آتے ہوں گے تو   اِنْ شَآءَ اللّٰہ  خواب میں نہیں ڈریں گے۔(مُدّتِ علاج : تاحُصُولِ شِفا)
   یَامُتَکَبِّرُ   زوجہ سے ’’مِلاپ‘‘سے قبل 10 بار پڑھ لینے والا   اِنْ شَآءَ اللّٰہ  نیک بیٹے کا باپ بنے گا۔ 
(13)  یَاخَالِقُ   : جو 300 بار پڑھے   اِنْ شَآءَ اللّٰہ  اس کا دُشمن مغلوب ہو گا۔ 
(14)  یَابَارِیٔ ُ   : 10بارجوکوئی ہر جُمعہ کو پڑھ لیا کرے   اِنْ شَآءَ اللّٰہ  اُس کو بیٹا عطا ہوگا۔ 
(15)  یَامُصَوِّرُ   : جو بانجھ عورت 7 روزے رکھے اور اِفطار کے وَقْت 21 بار  یَامُصَوِّرُ  پڑھ کر پانی پر دم کرکے پی لیا کرے ،   اللّٰہ      کریم اس کو نیک بیٹا عطاکرے گا۔   اِنْ شَآءَ اللّٰہ 
(16)  یَاغَفَّارُ   : جو اِسے ہمیشہ پڑھا کرے گا   اِنْ شَآءَ اللّٰہ  نفس کی بُری خواہِشات سے چھٹکارا پائے گا۔ 
(17)  یَاقَھَّارُ   : 100بار اگرکوئی مصیبت آپڑے توپڑھئے ،   اِنْ شَآءَ اللّٰہ  مشکل آسان ہوگی۔ 
(18)  یَاوَھَّابُ   : 7 بارجوروزانہ پڑھا کرے گا   اِنْ شَآءَ اللّٰہ مُسْتَجابُ الدَّعَوات   ہوگا۔ (یعنی ہردُعاقبول ہوا کرے گی)
(19)  یَارَزَّاقُ   : جو فجر کے فَرْض وسنّت کے درمیان 41 دن تک 550 بار پڑھے گا   اِنْ شَآءَ اللّٰہ  دولت مند ہوگا۔ 
(20)   یَافَتَّاحُ :   70بار جو روزانہ بعد نمازِ فجردونوں ہاتھ سینے پررکھ کرپڑھا کرے گا   اِنْ شَآءَ اللّٰہ  اُس کے دل کازنگ ومیل دورہوگا۔ 
  یَافَتَّاحُ   7بار جوروزانہ (کسی بھی وقت دن میں ایک مرتبہ)پڑھا کرے گا   اِنْ شَآءَ اللّٰہ  اُس کادل روشن ہوگا۔ 
(21)  یَاعَلِیْمُ   : جو کوئی اس اسم کو بہت پڑھے گا  اللّٰہ   پاک اس کو دِین و دُنیا کی معرفت عطا فرمائے گا۔   اِنْ شَآءَ اللّٰہ 
(22)  یَاقَابِضُ   ،   یَابَاسِطُ   : 30بار جو ہر روز پڑھا کرے   اِنْ شَآءَ اللّٰہ  وہ دشمن پرفتح پائے گا۔ 
(23)  یَا بَاسِطُ   : جو40بار پڑھے   اِنْ شَآءَ اللّٰہ  خلق سے بے پرواہ ہو گا۔ 
(24)  یَاخَافِضُ   : جو کوئی اسے 500 بار پڑھ لے   اِنْ شَآءَ اللّٰہ  دشمن سے اَمان میں رہے گا۔
(25)   یَارَافِعُ   :    20 بار جوروزانہ پڑھا کرے گا   اِنْ شَآءَ اللّٰہ  اُس کی مُراد پوری ہوگی۔ 
(26)  یَامُعِزُّ  : جوکوئی اسے بعد نَماز عشا شبِ جمعہ140بار پڑھے ، مخلوق کی نظر میں اس کی عزّت وحُرمت اور ہیبت بڑھے گی ۔   اِنْ شَآءَ اللّٰہ
  (27)  یَا حَکَمُ   : جو پانچوں وقت ہر نَماز کے بعد 80بار پڑھ لیا کرے کسی کا محتاج نہ ہوگا۔   اِنْ شَآءَ اللّٰہ 
(28)  یَابَصِیْرُ   : 7بار جو کوئی روزانہ بوقتِ عصر (یعنی ابتدائے وَقتِ عصرتا غروبِ آفتاب کسی بھی وقت ) پڑھ لیا کرے گا   اِنْ شَآءَ اللّٰہ  اچانک موت سے محفوظ رہےگا ۔ 
(29)  یَاسَمِیْعُ   : 100بار جوروزانہ پڑھے اوراس دوران گفتگونہ کرے اور پڑھ کردُعا مانگے   اِنْ شَآءَ اللّٰہ  جومانگے گا پائے گا ۔ 
(30)  یَامُذِلُّ   ،   یَامُعِزُّ :   جو کوئی 75بار پڑھ کر سجدہ کرے اور کہے : یا الٰہی! فُلاں ظالم کے شَر سے مجھے محفوظ رکھ ،   اللّٰہ   پاک اُسے اَمان دیگا اور اپنی حفاظت میں رکھے گا۔   اِنْ شَآءَ اللّٰہ 
(31)  یَاعَدْلُ :   جو کوئی مغرب کی نماز کے بعد 1000 بار پڑھے گا   اِنْ شَآءَ اللّٰہ  آسمانی بلاؤں سے نجات پائے گا۔ 
(32)  یَا لَطِیْفُ   : بیٹیوں کے نصیب کھلنے اور اَمراض سے صِحّت اور مشکلات سے نَجات کے لئے ہر روز  تَحِیَّۃُ الْوُضُو   کے بعد 100 بار پڑھ لیا کرے۔ 
(33)  یَاخَبِیْرُ :   جو کوئی نفسِ اَمّارہ کے ہاتھ گرفتار ہو تو ہر روز وظیفہ کر لیا کرے   اِنْ شَآءَ اللّٰہ  نجات پائے گا۔
(34)  یَا حَلِیْمُ   : جو کوئی اس کو کاغذ پر لکھ کر پھر اس کو دھو دے اور اپنی کھیتی پر چھڑک دے ،   اِنْ شَآءَ اللّٰہ  زراعت ہر آفت سے حفاظت میں رہے گی۔
(35)  یَا عَظِیْمُ   : جو 7دفعہ پانی پر پڑھ کر دم کرکے پانی پی لے   اِنْ شَآءَ اللّٰہ  اس کے پیٹ میں درد نہ ہو۔ 
(36)  یَا غَفُوْرُ   : جس کو دردِ سَر یا کوئی بیماری یا غم پیش آجائے 3بار  یَاغَفُوْرُ  کی مقطعات لکھ کر(یعنی اس اسمِ پاک کو کاغذ پر لکھ کر اس کی گیلی سیاہی پر روٹی کا ٹکڑا لگا کر وہ نقش روٹی میں جذب کرلے اور ) کھا لے ،   اِنْ شَآءَ اللّٰہ  شفا پائے گا۔ 
(37)  یَاشَکُوْرُ   : جو کوئی5000بار روز پڑھاکرےگا   اِنْ شَآءَ اللّٰہ  قیامت کے دن بلند مرتبہ ہوگا۔ 
(38)  یَا عَلِیُّ :   جو ورم (یعنی سوجن) پر3 بار پڑھ کردم کرے   اِنْ شَآءَ اللّٰہ  صحت پائےگا۔ 
(39)  یَا کَبِیْرُ   : جو9 دفعہ کسی بیمار پر پڑھ کر دم کرے   اِنْ شَآءَ اللّٰہ  صحت یاب ہو جا ئے گا۔ 
(40)  یَا حَفِیْظُ   : جو 16 بار ہر روز پڑھے   اِنْ شَآءَ اللّٰہ  ہر طرح بہادُر رہے۔
(41)   یَا مُقِیْتُ   : جس کی آنکھ سرخ ہو اور درد کرے 10 بار پڑھ کر دم کرلے۔ 
(42)  یَا حَسِیْبُ :   جو ہر روز70 بار پڑھے گا   اِنْ شَآءَ اللّٰہ  ہر آفت سے محفوظ رہے گا۔ 
(43)  یَاجَلِیْلُ   : 10بارپڑھ کرجو اپنے مال واسباب اور رقم وغیرہ پردم کردے   اِنْ شَآءَ اللّٰہ  چوری سے محفوظ رہے گا۔ 
(44)  یَا کَرِیْمُ :   اگر اپنے بستر میں اس کو پڑھتے پڑھتے سوجائے تو فرشتے اس کے لئے دُعا کریں گے۔   اِنْ شَآءَ اللّٰہ 
(45)  یَارَقِیْبُ   : جو کوئی پھوڑے پھنسی پر3 بار پڑھ کر پھونک دے گا   اِنْ شَآءَ اللّٰہ  شفا حاصل ہوگی۔
(46)  یَا مُجِیْبُ   : جو کوئی 3 بار پڑھ کر دم کرے گا   اِنْ شَآءَ اللّٰہ  دردِ سَر دُور ہو گا۔ 
(47)  یَا وَاسِعُ   : جس کو بچھو کاٹ لے وہ 70 بار پڑھ کر دم کرے   اِنْ شَآءَ اللّٰہ  زہر اثر نہ کرے گا۔ 
(48)  یَاحَکِیْمُ :   80بار جو روزانہ پانچوں نَمازوں کے بعدپڑھ لیاکرے  اِنْ شَآءَ اللّٰہ  کسی کا محتاج نہ ہو۔ 
(49)  یَا وَدُوْدُ   : اس اسم کو 1000 بارکھانے پر پڑھ کر جس جانب سے نامُوَافقت ہو اسے کھلادیں   اِنْ شَآءَ اللّٰہ  دُشمنی ختم ہوجائے گی۔ 
(50)  یَا مَجِیْدُ   : جو گرمیوں میں اسے پڑھےگا   اِنْ شَآءَ اللّٰہ  پیاس سے مامون رہے گا۔ 
(51)  یَابَاعِثُ   : جو کوئی 7بار پڑھ کر اپنے اوپر پھونکے اور حاکم کے رو برو جائے   اِنْ شَآءَ اللّٰہ  حاکم مہربان ہو۔ 
(52)   یَاشَھِیْدُ   : 21بار صبح (طلوعِ آفتاب سے پہلے پہلے )نافرمان بچّے یا بچّی کی پیشانی پر ہاتھ رکھ کرآسمان کی طرف مُنہ کرکے جوپڑھے   اِنْ شَآءَ اللّٰہ  اُس کا وہ بچّہ یابچّی نیک بنے۔ 
(53)  یَا حَقُّ   : اگر قیدی آدھی رات کو ننگے سَر 108بار پڑھے گا   اِنْ شَآءَ اللّٰہ  قید سے رہائی پائے گا۔ 
(54)   یَا وَکِیْلُ   : 7 بارجوروزانہ عصرکے وقت پڑھ لیاکرے   اِنْ شَآءَ اللّٰہ  آفت سے پناہ پائے ۔ 
(55)  یَا قَوِیُّ   : اگر جُمعہ کی دوسری ساعت میں بہت پڑھے گا   اِنْ شَآءَ اللّٰہ  نسیان (یعنی بھُولنے کا مرض) جاتا رہے گا۔ 
(56)  یَامَتِیْنُ :   جس بچے کادودھ چھڑادیاگیاہو اسے کاغذپرلکھ کرپلا دیں ، تسکین ہوگی اور ماں کادودھ کم ہوتواسی اسمِ پاک کولکھ کرپلادیں دودھ زیادہ ہوگا۔
(57)  یَا وَلِیُّ   : جو کوئی اس اسم کو بہت پڑھے گا   اِنْ شَآءَ اللّٰہ  اس کی زوجہ اس کی فرماں بردار ہوجائے گی ۔ 
(58)   یَاحَمِیْدُ   : 90بارجس کی گندی باتوں کی عادت نہ جاتی ہو وہ پڑھ کر کسی خالی پیالے یا گلاس میں دم کردے۔ حسبِ ضَرورت اُسی میں پانی پیاکرے   اِنْ شَآءَ اللّٰہ   فحش گوئی کی عادت نکل جائے گی۔ (ایک بارکا دم کیا ہواگلاس برسوں تک چلا سکتے ہیں )
(59)   یَامُحْیِی   : 7 بارپڑھ کراپنے اوپردم کرلیجئے ، گیس ہویاپیٹ یا کسی بھی جگہ درد ہو یا کسی عضوکے ضائع ہوجانے کاخوف ہو   اِنْ شَآءَ اللّٰہ  فائدہ ہوگا۔ (مدت علاج : تاحصولِ شفا ، روزانہ کم ازکم ایک بار)
(60)  یَامُحْیِیْ   ،   یَامُمِیْتُ   : 7 بار روزانہ پڑھ کراپنے اوپر دم کر لیا کیجئے  اِنْ شَآءَ اللّٰہ  جادُو اثر نہیں کرے گا ۔ 
(61)  یَا حَیُّ   : جو کوئی بیمار ہو اس اسم کو 1000 بار پڑھے   اِنْ شَآءَ اللّٰہ  صِحّت پائے گا۔ 
(62)  یَاقَیُّوْمُ   : صبح کے وقت جو کوئی اس کو کثرت سے پڑھے گا   اِنْ شَآءَ اللّٰہ  اس کا تصرُّف دلوں میں ظاہر ہو گا یعنی لوگ اس کودوست رکھیں گے۔ 
(63)   یَاوَاجِدُ   : جوکوئی کھاناکھاتے وقت ہرنوالہ پر پڑھاکرےگا   اِنْ شَآءَ اللّٰہ  وہ کھانا اُس کے پیٹ میں نورہوگااوربیماری دورہوگی۔
(64)   یَامَاجِدُ   : 10 بارپڑھ کرشربت وغیرہ پردم کرکے جوپی لیاکرے   اِنْ شَآءَ اللّٰہ  بیمار نہ ہوگا۔ 
(65)  یَا وَاحِدُ   : 1001بار ، جس کواکیلے میں ڈرلگتاہو ، تنہائی میں پڑھ لے   اِنْ شَآءَ اللّٰہ  اُس کے دل سے خوف جاتارہے گا۔ 
(66)  یَا اَحَدُ   : جو کوئی اس اسم کو 9 مرتبہ پڑھ کر حاکم کے آگے جائے   اِنْ شَآءَ اللّٰہ  عزّت اور سرفرازی پائے گا ، جوتنہا اسے ہزار بارپڑھے گانیک بن جائے گا۔   اِنْ شَآءَ اللّٰہ 
(67)  یَا صَمَدُ   : جو اسے 1000 بار پڑھے گا   اِنْ شَآءَ اللّٰہ  دشمن پر فتح پائے گا۔ 
(68)  یَا قَادِرُ   : جو وضو کے دوران ہرعضو دھوتے ہوئے پڑھنے کا معمول بنا لے   اِنْ شَآءَ اللّٰہ  دشمن اس کواغوانہیں کرسکے گا۔ 
  یَاقَادِرُ  41بار مشکل آپڑے توپڑھ لیجئے   اِنْ شَآءَ اللّٰہ  آسانی ہوجائیگی۔ 
(69)   یَامُقْتَدِرُ   : 20بار جو روزانہ پڑھ لیاکرے گا   اِنْ شَآءَ اللّٰہ  رحمتوں کے سائے میں رہے گا۔ 
   یَامُقْتَدِرُ   : 20 بار جو نیند سے بیدار ہو کر پڑھ لیا کرے گا اُس کے ہر کام میں مددِالٰہی شامل رہے گی۔
(70)  یَا مُقَدِّمُ   : جو جنگ یا کسی خوف کی جگہ پر بے چینی کی حالت میں ہو تو وہ اس اسمِ مبارک کی کثرت کرے ۔ 
(71)  یَامُؤ َخِّرُ   : 100بار ہر روز پڑھنے والے کے   اِنْ شَآءَ اللّٰہ  سب کام پورے ہوں گے۔ 
(72)   یَااَوَّلُ   : 100بار روزانہ پڑھ لیاکرے گا   اِنْ شَآءَ اللّٰہ  اُس کی زوجہ اُس سے مَحَبَّت کرے گی۔ 
(73)  یَا آخِرُ   : جو کسی جگہ جائے اور اِس اسمِ پاک کو پڑھ لے   اِنْ شَآءَ اللّٰہ  وہاں عزّت و توقیر پائے گا ۔ 
(74)  یَاظَاہِرُ :   گھرکی دیوارپرلکھ لیجئے   اِنْ شَآءَ اللّٰہ  دیوارسلامت رہے گی ۔
(75)  یَا بَاطِنُ   : جو کسی کو اَمانت سونپے یا زمین میں دفن کرے تو   اَ لْبَاطِنُ   لکھ کر اس شے کے ساتھ رکھ دے   اِنْ شَآءَ اللّٰہ  کوئی اس میں خیانت نہ کر سکے گا۔ 
(76)  یَا وَالِی   : جو کوئی کورے پیالے پر لکھ کر اس میں پانی بھر کر گھر کے درودیوار پر ڈالے تو   اِنْ شَآءَ اللّٰہ  وہ گھر آفتوں سے محفوظ رہے گا۔ 
(77)  یَا مُتَعَالِی   : مشکل ترین کاموں کے لئے اس کی کثرت بے حد مُفید ہے ۔ 
(78)  یَابَرُّ :   جو شخص 7 مرتبہ پڑھ کر بچّے پر دم کر کے   اللہ   پاک کی سپردگی میں دیدے بالغ ہونے تک   اِنْ شَآءَ اللّٰہ  وہ بچّہ بلاؤں سے محفوظ رہے گا۔ 
(79)  یَا تَوَّابُ   : جو کوئی چاشت کی نَماز کے بعد360 بار اس کو پڑھے گا   اللّٰہ      کریم اس کو  توبۃُ النَّصُوْح   نصیب فرمائے گا۔   اِنْ شَآءَ اللّٰہ 
(80)  یَامُنْتَقِمُ   ،   یَاعَفُوُّ   : دُشمن کو دوست بنانے کے لئے تین جُمعہ تک اس کو کثرت سے پڑھئے۔ 
(81)  یَا عَفُوُّ   : جس کے گناہ بہت ہوں وہ اس اسمِ پاک کی کثرت کرے   اللّٰہ   پاک اپنے فضل سے اس کے تمام گُناہ بخش دے گا۔ 
(82)   یَارَءُ وْفُ   : 10بارجوکسی مظلوم کاکسی ظالم سے پیچھاچھڑاناچاہے ، پڑھے پھر اُس ظالم سے بات کرے   اِنْ شَآءَ اللّٰہ  وہ ظالم اُس کی سفارش قبول کر لے گا۔ 
(83)   یَا مَالِکَ الْمُلْکِ   : جو اِس کی کثرت کرے گا   اِنْ شَآءَ اللّٰہ  خوشحال ہو گا۔ 
(84)   یَاذَاالْجَلَالِ وَالْاِکْرَام   : اس کی کثرت سے خوشحالی نصیب ہوگی ، اس کے ساتھ دُعا کرنے سے دُعا مقبول ہوگی ۔   اِنْ شَآءَ اللّٰہ
   (85)   یَامُقْسِطُ   : شیطانی وسوسوں سے بچنے کے لئے 100مرتبہ پڑھنا بَہُت مُفید ہے۔   اِنْ شَآءَ اللّٰہ
  (86)  یَاجَامِعُ   : جس کے عزیز واقارِب جُدا ہوگئے ہوں ، چاشت کے وقت غسل کر کے آسمان کی طرف مُنہ کر کے 10بار اس اسم کو پڑھے اور ہر بار میں ایک انگلی بند کرتا جائے پھر اپنے منہ پر ہاتھ پھیر ے   اِنْ شَاء اللّٰہ      تھوڑے عرصہ میں سب جمع ہو جائیں گے۔ 
(87)   یَاغَنِیُّ :   ریڑھ کی ہڈی ، گھٹنوں ، جوڑوں یاجسم میں کہیں بھی درد ہو ، چلتے پھرتے اٹھتے بیٹھتے پڑھتے رہئے   اِنْ شَآءَ اللّٰہ  دردجاتارہے گا۔ 
(88)   یَامُغْنِیْ   : ایک بارپڑھ کرہاتھوں پردم کرکے دردکی جگہ پرملنے سے   اِنْ شَآءَ اللّٰہ  سکون ملے گا۔ 
(89)   یَامَانِعُ   ،   یَامُعْطِیْ :   20باربیوی ناراض ہو تو شوہر اور اگر شوہر ناراض ہوتوبیوی سونے سے قبل بچھونے پر بیٹھ کر پڑھے   اِنْ شَآءَ اللّٰہ  صلح ہوجائے گی۔ (مدت : تاحصولِ مراد)
(90)  یَا ضَآرُّ   ،   یَا نَافِعُ :   جسے کوئی منصب ملے اور وہ اُس پر قائم رہنا چاہے تو وہ ہر شب ِجمعہ اور اَیَّام   بِیْض   (یعنی ہر اسلامی ماہ کی 13 ، 14 ، 15 تاریخ) میں 100 بار پڑھے۔ 
(91)   یَا نَافِعُ   : 20بارجوکسی کام کوشروع کرنے سے قبل پڑھ لے   اِنْ شَآءَ اللّٰہ  وہ کام اُس کی مرضی کے مطابق پوراہوگا۔
(92)   یَا نُوْرُ   : جو سات مرتبہ سورۂ نور اور 1001بار  یا نُوْرُ  پڑھے   اِنْ شَآءَ اللّٰہ  اس کا دل روشن ہو جائے گا۔ 
(93)   یَاھَادِیْ :   جو کوئی آسمان کی طرف مُنہ کر کے ہاتھ اٹھا کر اس اسم کوکثرت سے پڑھے اور وہ ہاتھ اپنے منہ اور آنکھوں پر مَل لے   اِنْ شَآءَ اللّٰہ      اہل معرفت کا مرتبہ پائے گا۔ 
(94)  یَابَدِیْعُ   : جس کو کوئی سخت مہم درپیش ہو 70 ، 000 بار پڑھے   اِنْ شَآءَ اللّٰہ  کامیاب ہوگا۔ 
(95)  یَا بَاقِیْ :   جو سورج نکلنے سے پہلے100 بار روز پڑھے گا   اِنْ شَآءَ اللّٰہ      دُکھ سے محفوظ رہے گا۔ 
(96)   یَا وَارِثُ   : جو اس کا وِرد کرے گا   اِنْ شَآءَ اللّٰہ  اس کی عمر دراز ہو گی۔ 
(97)  یَارَشِیْدُ   : جوشخص کسی کام کی تدبیر نہ جانتا ہو وہ مغرب اور عشا کے درمیان 1000 بار پڑھے   اِنْ شَآءَ اللّٰہ  صحیح تدبیر اس کے دل میں آجائے گی۔ 
(98)  یَاصَبُوْرُ   : جس کو درد یا رنج یا مصیبت پیش آئے 33 بار پڑھے  اِنْ شَآءَ اللّٰہ   سُکون حاصل ہو گا۔ 
(99)  یَامُؤَخِّرُ   جو اس نام کو کسی نَماز کے بعد100 بار پڑھے گا  اِنْ شَآءَ اللّٰہ  اس کا دل  اللّٰہ   پاک کی مَحَبَّت اور اس کی یاد میں رہے ۔