- Home
- Al Madina Library
- Doodh Pita Madani Munna
- Pyare Nabi
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Doodh Pita Madani Munna | دودھ پیتا مَدَنی مُنّا
Pyare Nabi Ka Pyara Pyara Hath
دودھ پیتا مَدَنی مُنّا
- Home
- Al Madina Library
- Doodh Pita Madani Munna
- Pyare Nabi
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّ حِیْم ط
دودھ پیتا مدَنی مُنّا
(15سچّی کہانیاں)
دُرُود شریف کی فضیلت
فرمان مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ: اللہ عَزَّ وَجَلَّ کی خاطر آپس میں مَحَبَّت رکھنے والے جب آپس میں ملیں اور ہاتھ ملائیں اور نبی (صَلَّی اللہُ تَعَالٰی عَلَیْہِ وَاٰلِہٖ وَسَلَّمَ) پر دُرُودِ پاک بھیجیں تو ان کے جدا ہونے سے پہلے دونوں کے اگلے پچھلے گناہ بخش دیئے جاتے ہیں۔ (مُسْنَدِ اَبُو یَعْلٰی ج۳ ص۹۵حدیث۲۹۵۱)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
{۱}دودھ پیتے مَدنی مُنّے نے بات کی!
رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمَ مکے شریف کے ایک گھر میں موجود تھے کہ ایک آدمی آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمت میں ایک منے (Infant) کو کپڑے میں لپیٹ کر لایا جو اسی دن پیدا ہواتھا۔ رسولِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اُس منے سے پوچھا:میں کون ہوں؟وہ بولا:’’ آپ اللہ کے رسول ہیں۔ ‘‘رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا: ’’ تو نے سچ کہا، اللہ تَعَالٰی تجھے برکت دے ۔ ‘‘ (معرفۃُالصّحابۃ ج ۴ ص ۳۱۴ رقم ۶۳۹۵)
میٹھے میٹھے مَدَنی منو اورمدنی منیو! اللہ تَعَالٰی نے ہمارے پیارے نبی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو ایسی شان عطا فرمائی ہے کہ دودھ پیتے مدنی منے نے بھی آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے رسول ہونے کی گواہی دی۔ آئیے! اللہ تَعَالٰی کے پیارے رسول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے اور بھی معجزے سنتے ہیں:
ہمارے پیارے نبی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے صحابی حضرتِ محمد بن حاطب رَضِیَ اللہُ تَعَالٰی عَنْہُ فرماتے ہیں کہ میری امی جان رَضِیَ اللہُ تَعَالٰی عَنْہَانے مجھے بتایا:میں تمہیں لے کر (ملک) حبشہ سے آرہی تھی، مدینے شریف سے کچھ دُور میں نے کھانا پکایا، اُسی دَوران لکڑیاں ختم ہوگئیں، میں لکڑیاں لینے گئی تو تم نے ہنڈیا (Pot) کو کھینچا، ہنڈیا تمہارے ہاتھ پر گرگئی اور تمہارا ہاتھ جل گیا۔ میں تمہیں لے کر محمدٌ رَّسولُ اللّٰہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمت میں حاضر ہوئی اور عرض کی:یا رسولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! میرے ماں باپ آپ پر قربان! یہ محمد بن حاطب ہے۔ رسول اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے تمہارے سر پراپنا مبارَک ہاتھ پھیرا اور تمہارے لئے دعا کی ، پھر تمہارے ہاتھ پر اپنا مبارک لعاب (یعنی برکت والا تھوک ) لگایا۔ جب میں تمہیں لے کر وہاں سے اُٹھی تو تمہارا ہاتھ بالکل ٹھیک ہوچکا تھا۔ (مُسندِ اِمام احمد بن حنبلج ۵ ص ۲۶۵ حدیث ۱۵۴۵۳ مُلخّصاً )
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
حضرت سائب رَضِیَ اللہُ تَعَالٰی عَنْہُ کے سر کے بیچ والے بال بالکل کالے (Black) تھے لیکن باقی سر اور داڑھی کے بال سفید (White ) تھے۔ پوچھا گیا : یہ کیا معاملہ ہے کہ آپ کے کچھ بال سفید اور کچھ کالے ہیں؟ فرمایا: میں بچپن میں بچوں کے ساتھ کھیل رہا تھا ، رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میرے پاس سے گزرے تو میں نے سلام عرض کیا۔ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے سلام کا جواب دیا اور پوچھا: آپ کون ہیں؟ میں نے اپنا نام بتایا تو حضور اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے میرے سر پر اپنا ہاتھ مبارَک پھیرا او ر مجھے برکت کی دعا دی۔ میرے سر پر جس جس جگہ حضورِ انور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا مبارک ہاتھ لگا ہے وہ بال سفید (White) نہیں ہوئے ۔ (مُعْجَم کبِیر ج ۷ ص ۱۶۰ حدیث ۶۶۹۳ مُلَخَّصاً)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
حضرت جابر بن سمرہ رَضِیَ اللہُ تَعَالٰی عَنْہُ فرماتے ہیں : رحمت والے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے پاس سے جب بچّے گزرتے تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ان میں سے کسی کے ایک گال (Cheek ) پر اور کسی کے دونوں گالوں پر اپنا شفقت بھرا ہاتھ پھیرتے تھے، میں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے پاس سے گزرا تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے میرے ایک گال پر اپنا پیارا پیاراہاتھ پھیرا۔ وہ گال جس پر حضورِپرنور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اپنا ہاتھ مبارک پھیرا تھا وہ دوسرے گال (Cheek) سے زیادہ خوبصورت (Beautiful) ہو گیاتھا ۔ (کَنْزُ الْعُمّال ج ۱۳ ص ۱۳۵ حدیث ۳۶۸۷۶)
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
حضرت عبدالرحمن بن زید رَضِیَ اللہُ تَعَالٰی عَنْہُ جب پیدا ہوئے تو ان کے نانا جان حضرتِ ابولبابہ رَضِیَ اللہُ تَعَالٰی عَنْہُ نے انہیں ایک کپڑے میں لپیٹ کر سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمت میں پیش کیا اورعرض کی:یا رسولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! میں نے آج تک اتنے چھوٹے جسم والا بچہ نہیں دیکھا ۔ مدنی آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے بچے کو گھٹی دی (یعنی پہلی مرتبہ اُس کے منہ میں کھانے وغیرہ کی کوئی چیز ڈالی) ، سر پر ہاتھ مبارَک پھیرا اور دعائے برکت کی۔ (دعائے مصطَفٰی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی برکت یہ ظاہر ہوئی کہ) حضرت ِعبدالرحمن بن زید رَضِیَ اللہُ تَعَالٰی عَنْہُ جب کسی قوم (Nation ) میں ہوتے تو قد میں سب سے اونچے (Tall) نظر آتے۔ (اَلْاِصابَۃُج۵ ص۲۹ رقم ۶۲۲۷)
کتاب کا موضوع
کتاب کا موضوع
- دودھ پیتا مدَنی مُنّا
- دُرُود شریف کی فضیلت
- {۱}دودھ پیتے مَدنی مُنّے نے بات کی!
- {۲} مَدَنی مُنّے کا ہاتھ جل گیا
- {۳}کچھ بال سفید اور کچھ کالے
- {۴}پیارے نبی کا پیارا پیارا ہاتھ
- {۵} چھوٹی باڈی والا مَدَنی مُنّا
- {۶}گونگا (Dumb) بچّہ بولنے لگ گیا
- {۷}میرا ہاتھ پیالے میں گھومتا تھا
- {۸}سمجھدار مَدَنی مُنّی
- {۹}مَدَنی مُنّے کو ڈبل ملا
- {۱۰}ذِکرُ اللہ کی عادت
- {۱۱}نابینا مَدَ نی مُنّا دیکھنے لگا!
- ٹانگ کٹ گئی
- {۱۳} پرندے کو تِیر مار رہے تھے
- {۱۴}گانا گانے والی بچّی
- {۱۵} گدھے پر سُوار مَدَنی مُنّا
- {۱۶}غصّے والے بچّے کا انوکھا علاج
- {۱۷}بُری صحبت کا اثر
- دودھ کے مَدَنی پھول
- دودھ قراٰنِ کریم کی روشنی میں
- دودھ کے بارے میں دو فرامین مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ
- آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو دودھ بہت پسند تھا
- ماں کے دودھ کے چار مدنی پھول
- بچّے کو دودھ پلانے کی مُدّت
- دودھ کے47 مدَنی پھول
- خالص دودھ کی پہچان کے چار مدنی پھول
- مآخذ و مراجع
