فيضانِ رياضُ الصالحين جلد چہارم

ظاہری وباطنی اَعمال کی اِصلاح کے لیے آیات واَحادیث پر مشتمل

شَیْخُ الْاِسْلَام اَلْحَافِظْ اَلْاِمَامْ مُحْیُ الدِّیْن اَبُو زَکَرِیَّا یَحْیٰی بِنْ شَرَف نَوَوِی عَلَیْہِ رَحْمَۃُ اللہِ الْقَوِی

کی مشہور زمانہ کتاب

ریاض الصالحین

کا اردو ترجمہ وشرح بنام

اَنْوَارُ الْمُتَّقِیْن شَرْحُ رِیَاضِ الصَّالِحِیْن

المعروف بــ

فیضانِ ریاض الصالحین( جلدچہارم )

مؤلفین

سیدمحمدسجاد عطاری مدنی ، سیدمنیرعطاری مدنی ، محمدعلی رضا عطاری مدنی

پیش کش

مجلس المدینۃ العلمیۃ ( دعوتِ اسلامی )

شعبہ ٔ فیضانِ حدیث

ناشر

مکتبۃ المدینہ باب المدینہ کراچی

اَلْحَمْدُ لِلّٰہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ

اَمَّا بَعْدُ فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ

’’فیضانِ ریاض الصالحین ‘‘ کے سترہ حروف کی نسبت سے

اِس کتاب کو پڑھنے کی ’’17نِیّتیں ‘‘

فرمانِ مصطفے ٰ صَلَّی اللہُ تَعَالٰی عَلَیْہِ وَاٰلِہٖ وَسَلَّم : ’’نِیَّۃُ الْمُؤْمِنِ خَیْرٌ مِّنْ عَمَلِہٖمسلمان کی نیّت اس کے عمل سے بہتر ہے ۔ ‘‘

( معجم کبیر ، یحیٰی بن قیس ، ۶ / ۱۸۵ ، حدیث : ۵۹۴۲ )

دو مدنی پھول :

٭ …بغیر اچھی نیّت کے کسی بھی عمل خیر کا ثواب نہیں ملتا ۔

٭…جتنی اچھی نیّتیں زِیادہ ، اُتنا ثواب بھی زِیادہ ۔

( 1 ) ہر بارحَمد و ( 2 ) صلوٰۃ اور ( 3 ) تعوُّذ و ( 4 ) تَسمِیہ سے آغاز کروں گا ۔ ( اسی صفحہ پر اُوپر دی ہوئی عَرَبی عبارت پڑھ لینے سے ان نیّتوں پر عمل ہوجائے گا ) ( 5 ) رِضائے الٰہی کیلئے اس کتاب کا اوّل تا آخر مطالعہ کروں گا ۔ ( 6 ) حتَّی الوَسْعْ اِس کا باوُضُو اور ( 7 ) قِبلہ رُو مطالَعَہ کروں گا ( 8 ) قرآنی آیات اور ( 9 ) احادیثِ مبارکہ کی زیارت کروں گا ( 10 ) جہاں جہاں ” اللہ“ کا نامِ پاک آئے گا وہاں عَزَّ وَجَلَّ ( 11 ) اور جہاں جہاں ” سرکار“ کا اِسْم مبارک آئے گا وہاں صَلَّی اللہُ تَعَالٰی عَلَیْہِ وَاٰلِہٖ وَسَلَّم پڑھوں گا ( 12 ) شرعی مسائل سیکھوں گا ( 13 ) اس حدیثِ پاک ’’تَھَادَوا تَحَابُّوا ایک دوسرے کو تحفہ دو آپس میں محبت بڑھے گی ۔ ( مؤطا امام مالک ، ۲ / ۴۰۷ ، حدیث : ۱۷۳۱ ) پر عمل کی نیت سے ( ایک یا حسبِ توفیق ) یہ کتاب خرید کر دوسروں کو تحفۃً دوں گا ( 14 ) دوسروں کو یہ کتاب پڑھنے کی ترغیب دلاؤں گا ۔ ( 15 ) اس کتاب کا ثواب پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم کی ساری امت کو ایصال کروں گا ۔ ( 16 ) کتاب مکمل پڑھنے کے لیے بہ نیت حصول علم دین روزانہ چند صفحات پڑھ کر علم دین حاصل کرنے کے ثواب کا حق دار بنوں گا ۔ ( 17 ) کتابت وغیرہ میں شرعی غلطی ملی تو ناشرین کو تحریری طورپر مطلع کروں گا ۔ اِنْ شَآءَ اللہ عَزَّ وَجَلَّ ( ناشرین کو کتابوں کی اَغلاط صرف زبانی بتا دینا خاص مفید نہیں ہوتا ۔ )