30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Mahanama Khawateen (Web Edition) October 2022 | ماہنامہ خواتین (ویب ایڈیشن) اکتوبر-2022
Hamd o Naat
ماہنامہ خواتین (ویب ایڈیشن) اکتوبر-2022
سلسلہ: حمد و نعت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مناجات
درد اپنا دے اس قدر یارب
درد اپنا دے اس قدر یارب
نہ پڑے چین عمر بھر یارب
ورد میرا ہو تیرا کلمۂ پاک
جب کہ دنیا سے ہو سفر یارب
تیرے محبوب کا میں واصف ہوں
دے زباں میں مری اثر یارب
جان نکلے تو اس طرح نکلے
تیرے در پر ہو میرا سر یارب
سختیوں سے مجھے بچا لینا
رکھنا رحمت کی تو نظر یارب
میرے سینے کو اپنی اُلفت سے
بطفیلِ حبیب بھر یارب
قادری ہے جمیل اے غفار
سب گنہ اس کے عفو کر یارب
از: مداحُ الحبیب مولانا جمیل الرحمن قادری رضوی رحمۃُ اللہِ علیہ
قبالۂ بخشش،ص102
نعت
نصیب چمکے ہیں فرشیوں کے
نصیب چمکے ہیں فرشیوں کے کہ عرش کے چاند آ رہے ہیں
جھلک سے جن کی فلک ہے روشن وہ شمس تشریف لا رہے ہیں
ہیں وجد میں آج ڈالیاں کیوں یہ رقص پتوں کو کیوں ہے شاید
بہار آئی یہ مُژدہ لائی کہ حق کے محبوب آ رہے ہیں
نثار تیری چہل پہل پر ہزار عیدیں ربیعُ الاول
سوائے ابلیس کے جہاں میں سبھی تو خوشیاں منا رہے ہیں
شبِ ولادت میں سب مسلماں نہ کیوں کریں جان و مال قرباں
ابو لہب جیسے سخت کافر خوشی میں جب فیض پا رہے ہیں
زمانہ بھر میں یہ قاعدہ ہے کہ جس کا کھانا اُسی کا گانا
تو نعمتیں جن کی کھا رہے ہیں اُنہیں کے ہم گیت گا رہے ہیں
حبیبِ حق ہیں خدا کی نعمت بِنِعْمَةِ رَبِّكَ فَحَدِّثْ
خدا کے فرمان پر عمل ہے جو بزمِ مولیٰ سجا رہے ہیں
پھنسا ہے بحرِ الم میں بیڑا،پئے خدا ناخدا سہارا
اکیلا سالکؔ ہیں سب مخالف، ہموم ِ دنیا ستا رہے ہیں
از: حکیمُ الاُمّت حضرت مفتی احمد یار خان رحمۃُ اللہِ علیہ
ديوانِ سالك،ص37
کتاب کا موضوع
کتاب کا موضوع
- حمد و نعت
- مناجات
- نعت
- احترامِ مسلم
- اختلاطِ مرد و زن
- روزِ قیامت زمین کی کیفیت
- حضور کی والدہ ماجدہ
- حضرت یوسف علیہ السلام کے معجزات و عجائبات
- شرح سلامِ رضا
- فیضانِ امیرِ اہلِ سنت
- مدنی مذاکرہ
- خواتین کو پیارے آقا کی نصیحتیں
- پھوپھو کا کردار
- بچوں کو مہمان بننے کے آداب سکھائیے
- ازواجِ انبیا
- ملکہ ٔسبا (زوجۂ حضرت سلیمان)
- میرا مطلوب صرف تُو ہے!
- اچار
- شرعی رہنمائی
- تعویذات
- اخلاص
- ریاکاری
- تحریری مقابلہ
- ادب کی اہمیت
- تلاوتِ قرآن کے فضائل
- گفتگو کے آداب
