30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Maiyat Walay Ghar Cholha Jalana Kaisa | مَیِّت والے گھر چولہا جَلانا کیسا؟
مَیِّت والے گھر چولہا جَلانا کیسا؟
اَلْحَمْدُ لِلّٰہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّحِیْمِط
مَیِّت والے گھر چولہا جَلانا کیسا؟([1])
شیطان لاکھ سُستی دِلائے یہ رِسالہ(۱۸صَفحات) مکمل پڑھ لیجیے اِنْ شَآءَ اللّٰہ معلومات کا اَنمول خزانہ ہاتھ آئے گا۔
فَرمانِ مصطفےٰصَلَّی اللّٰہُ عَلَیْہِ وَاٰلہٖ وَسَلَّم ہے: مجھ پر دُرُودِ پاک پڑھنا پُل صِراط پر نُور ہے۔ جو روزِ جُمُعہ مجھ پر 80 بار دُرُودِ پاک پڑھے اُس کے 80 سال کے گناہ مُعاف ہو جائىں گے۔ ([2])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
کیا مَیِّت والے گھر چولہا جَلانا منع ہے؟
سُوال: جس گھر مىں مَیِّت ہو جاتى ہے تو کہتے ہىں کہ تىن دِن تک چولہا نہىں جَلا سکتے اور نہ ہی گھر مىں کوئى چىز پکا سکتے ہیں کیا ىہ بات دُرُست ہے ؟
جواب: مَیِّت والے گھر چولہا جَلانے مىں کوئى حرج نہىں ہے، کھانا پکانا بھى جائز ہے۔ ىہ عوام نے اپنے اوپر خود مشکلات ڈالى ہوئى ہىں (شریعت میں اِن باتوں کی کوئی حقیقت نہیں)۔ ([3])
آتے اور جاتے دونوں بار سَلام کرنا چاہیے
سُوال: کچھ لوگوں کو دىکھا جاتا ہے کہ گھر مىں آتے وقت تو سَلام کرتے ہىں لىکن گھر سے جاتے وقت اللہحافظ کہتے ہیں، گھر سے جاتے وقت کیا کہنا چاہیے اِس بارے مىں راہ نمائى فرما دیجئے۔
جواب: گھر میں آتے اور جاتے دونوں بار سَلام کرنا چاہىے۔ ([4])یوں ہی دوسرے اسلامى بھائىوں سے ملنے جائیں تو جاتے وقت بھى سَلام کریں اور رُخصت کے وقت بھى سَلام کرنا چاہیے ۔ ([5])
کس سَلام کا جواب دینا واجب ہے؟
سُوال: محفل کے اِختتام پر اسلامی بھائی ایک دوسرے سے مُصافحہ کرتے ہیں لیکن جو شخص سامنے آتا ہے اسے بھی ہم سَلام کر لیتے ہیں بعض اوقات وہ بھی سَلام کر رہا ہوتا ہے تو ہم اس کو سَلام کا جواب نہیں دے پاتے کہ وہ آگے نکل جاتا ہے، اِس حوالے سے ہماری راہ نمائی فرمادیجیے۔
جواب: ملاقات کے لیے آنے والے کے سَلام کا جواب دینا واجب ہے ۔ ([6])جو ملاقات کے لیے نہ آیا ہو وہ سَلام کرتا ہے تو اُس کے سَلام کا جواب دینا واجب نہیں وہ صِرف سامنے والے کو سَلامتی کی دُعا دے رہا ہوتا ہے جوایک اچھا عمل ہے، لیکن جواب دیں گے تو اچھی بات ہے۔ میں بھی بعض اوقات گزرتا ہوں تو لوگ سَلام کرتے رہتے ہیں ان کا جواب دینا بھی دُشوار ہوتا ہے۔
کسی سے ہمدردی کے لیے وقت کیسے نکالیں؟
سُوال: کسى مسلمان کى غم خوارى کرنا اور اُس کے دُکھ مىں شامل ہونا ہمدردى کہلاتا ہے۔ ہمدردى کى کئى صورتىں ہو سکتى ہىں مثلاً کسی کى عىادت کرنا یا کسى کے نقصان پر اس کى مدد کرنا وغیرہ ، اِس مَصروف ترىن دور مىں جبکہ لوگوں کے پاس اپنے لىے وقت نہىں ہے تو دوسروں کے لىے وقت کىسے نکالیں؟ہمدردى کا آسان طرىقہ اِرشاد فرما دیجئے۔
[1] یہ رِسالہ۹رَجَبُ الْمُرَجَّب ۱۴۴۰ھ بمطابق 16 مارچ 2019 کو عالمی مَدَنی مَرکز فیضانِ مدینہ بابُ المدینہ(کراچی) میں ہونے والے مَدَنی مذاکرے کا تحریری گلدستہ ہے، جسے اَلْمَدِیْنَۃُ الْعِلْمِیَّۃ کے شعبے’’فیضانِ مَدَنی مذاکرہ‘‘نے مُرتَّب کیا ہے۔ (شعبہ فیضانِ مَدَنی مذاکرہ)
[2] فردوس الاخبار، باب الصاد، ۲/ ۴۰۸، حدیث: ۳۸۱۴ دار الکتب العلمیة بیروت
[3] اعلیٰ حضرت، امامِ اہلِسنَّت مولانا شاہ امام احمد رضا خانرَحْمَۃُ اللّٰہِ عَلَیْہِ کی بارگاہ میں اِسی طرح کا سُوال ہوا کہ”مَیِّت والے کے یہاں کیا روٹی پکانا منع ہے؟“توا س کے جواب میں آپ رَحْمَۃُ اللّٰہِ عَلَیْہِ نے اِرشاد فرمایا: موت کی پریشانی کے سبب وُہ لوگ پکاتے نہیں ہیں، پکانا کوئی شرعاً منع نہیں ، یہ سُنَّت ہے کہ پہلے دِن صِرف گھر والوں کے لئے کھانا بھیجا جائے اور انہیں بااصرار کھلایا جائے ، نہ دوسرے دِن بھیجیں، نہ گھر سے زیادہ آدمیوں کے لئے بھیجیں۔ (فتاویٰ رضویہ، ۹/ ۹۰ رضا فاؤنڈیشن مرکز الاولیا لاہور)
[4] شعب الایمان ، باب فی مقاربة وموادة اھل الدین، فصل فی سلام من خرج من بیته، ۶/ ۴۴۷، حدیث: ۸۸۴۵ دار الکتب العلمیة بیروت
[5] مشہور مُفَسّر، حکیمُ الامَّت حضرتِ مفتی احمد یار خانرَحْمَۃُ اللّٰہِ عَلَیْہِ فرماتے ہیں: ملاقات کو جانے والا تین بار سلام کرے: ایک سلامِ اِجازت، دوسرا سلامِ ملاقات اور تیسرا سلامِ رُخصت۔ (مراٰۃ المناجیح، ۶/ ۵۹ ماخوذاً ضیاء القرآن پبلی کیشنز مرکز الاولیا لاہور)
[6] فتاویٰ هندیة، کتاب الکراهية، الباب السابع فی السلام و تشمیت العاطس ، ۵/ ۳۲۶ دار الفکر بیروت
کتاب کا موضوع
کتاب کا موضوع
- دُرُود شریف کی فضیلت
- کیا میت والے گھر چولہا جلانا منع ہے؟
- آتے اور جاتے دونوں بار سلام کرنا چاہیے
- کس سلام کا جواب دینا واجب ہے؟
- کسی سے ہمدردی کے لیے وقت کیسے نکالیں؟
- میت والے گھر چولہا جلانا کیسا؟
- قبرستان میں فاتحہ پڑھتے وقت کس طرف رُخ کر کے کھڑا ہونا چاہیے؟
- دُعا کی قبولیت کی مختلف صورتیں
- کیا منزل سُناتے وقت سجدۂ تلاوت واجب ہو گا؟
- عورت قبرستان میں دفن ہو سکتی ہے تو جا کیوں نہیں سکتی؟
- نظر کی کمزوری دُور کرنے کا وظیفہ
- مُعاف کرنے کی فضیلت
- حضرت آدم علیہ السلام اور حضرت حوا رضی اللٰہُ عنہا کا نکاح کس نے پڑھایا؟
- عدت میں مدنی چینل دیکھنا کیسا ہے؟
- بقیعُ الغرقد کو جنتُ البقیع کہنے کی وجہ؟
- جادو کروانے والے رشتہ داروں سے تعلق رکھنا کیسا؟
- نماز میں التحیات سے پہلے بسم اللہ شریف پڑھنا کیسا؟
- نماز کے اذکار دل میں پڑھنے کا شرعی حکم
- قضا نمازوں کے ہوتے ہوئے نوافل پڑھنا
- کیا روزے کے لیے سحری شرط ہے؟
- نماز میں چادر کے کنارے لٹکائے رکھنا کیسا؟
- فجر اور عصر کے اوقات میں تحیۃ ُالمسجد اور تحیۃُ الوُضُو پڑھنا کیسا؟
- بالغوں کى امامت کے لیے امام کا بالغ ہونا شرط ہے
- نسوار مُنہ میں رکھنے سے وُضو نہیں ٹوٹتا
- مثردہ ہے بے گھرو کہ صلا اچھے گھر کی ہے
- ناموں کے اثرات مُرتب ہوتے ہیں
- ناموں کے ہلکا اور بھاری ہونے کی حقیقت
- کیاسوشل میڈیا کے ذریعے بیعت ہو جاتی ہے؟
- حج پر جانے والوں کو تحفے میں کیا دینا چاہیے؟
- والدین کى طرف سے حج کرنے والے کے لیے دس حج کا ثواب
- وسوسوں سے ایمان ضائع نہیں ہوتا
- ”جس کو جیسا کہو وہ ویسا بن جائے“ایسا کوئی وظیفہ نہیں
- کیا بچے حج کر سکتے ہیں؟
- چل مدینہ کے طلبگاروں کے نام عطار کا اہم پیغام
- موزمبیق کے شہر بیرہ کے عاشقان رسُول کے لیے دُعائے عطار
- ہر جان کو موت کا مزہ چکھنا ہے
- مطلوبہ وقت پر بیدار ہونے کا وظیفہ
- کیا مدنی قافلے میں سفر کرنے کی منت کو پورا کرنا ضروری ہے ؟
- مُرغی کے پوٹے کھانا کیسا؟
- وصال ظاہری کے وقت مسواک کا استعمال
