30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Ameer e Ahle Sunnat Say Miyan Bivi Kay Baray Main Sawal Jawab | امیرِ اہلِ سنّت سے میاں بیوی کے بارے میں سوال جواب
Naik Biwi
امیرِ اہلِ سنّت سے میاں بیوی کے بارے میں سوال جواب
اَلْحَمْدُ لِلہِ رَبِّ الْعٰلَمِیْنَ وَالصَّـلٰوةُ وَالسَّـلَامُ عَلٰی سَیِّدِالْمُرْسَـلِیْن ط
اَمَّا بَعْدُ فَاَعُوْذُ بِاللہِ مِنَ الشَّیْطٰنِ الرَّجِیْم ط بِسْمِ اللہِ الرَّحْمٰنِ الرَّحِیْم ط
امیرِاہلِ سنّت سے میاں بیوی کے بارے میں سوال جواب
فرمانِ آخری نبی صلی اللہ علیہ واٰلہٖ وسلم
جسے کوئی مشکل پیش آئے اسے مجھ پر کثرت سے دُرُود پڑھنا چاہئے کیونکہ مجھ پر دُرُود پڑھنا مصیبتوں اور بلاؤں کو ٹالنے والا ہے ۔(القول البدیع ،ص 414،بستان الواعظین ص274)
صَلُّوا عَلَی الْحَبِیب صَلَّی اللهُ علٰی مُحَمَّد
نیک بیوی کا واقعہ
سُوال :نیک بیوی کا کوئی واقعہ سنادیجئے۔
جواب :حضرت طلحہ بن عبید اللہ رضی اللہُ عنہصحابیٔ رسول تھے ، ایک بار آپ کو حَضْر مَوْت سے سات لاکھ درہم موصول ہوئے تو رات بھر بے چین رہے، آپ کی زوجہ نے پوچھا : آپ کو کیا ہوا ہے؟ فرمایا : میں رات سے فکر مند ہوں کہ وہ شخص اپنے رب کی بارگاہ میں کیسے حاضر ہوگا جو اس حال میں رات گزار رہا ہو کہ اس کے گھر میں یہ مال موجود ہو ۔ سعادت مند بیوی نے عرض کی: اس میں پریشانی کی کیا بات ہے؟ آپ اپنے نادار دوستوں کو کیوں بھول رہے ہیں؟ صبح ہوتے ہی انہیں بُلا کر یہ سارا مال ان میں تقسیم کردیجئے ۔ نیک بخت بیوی کی یہ تجویز سن کر آپ رضی اللہُ عنہ خوش ہوگئے اور فرمایا: اللہ پاک آپ پر رحم فرمائے ، آپ واقعی نیک باپ کی نیک بیٹی ہیں۔چنانچہ صبح ہوتے ہى آپ رضی اللہُ عنہ نے مہاجرىن و اَنصار صَحابۂ کِرام علیہمُ الرضوان مىں سارا مال تقسىم کرنا شروع کر دىا ۔ ( )
اَللہ ُاَکْبَر! ہمارے صَحابۂ کرام علیہم الرضوان کى سخاوتىں ایسی تھیں ۔ ہمارے پاس پىسے آجائىں تو خوشى کے مارے بے چىن ہو جائىں جبکہ ان حضرات کے پاس جب دولت آتى تو صَدمے کے مارے ان کى حالت مُضطَرِب ہو جاتى کہ ىہ دولت کہاں سے آٹپکی؟اب مىں اِس کا کىا کروں؟ حضرت طلحہ بن عُبَیْدُاللہ رضی اللہُ عنہ کى تو بات ہى کچھ اور ہے اور ان کی زوجۂ محترمہ بھى ما شاءَ اللہ کىسى نىک عورت تھیں ۔ وہ دور ہى نىکوں کا دور تھا ۔
(ملفوظاتِ امیرِاہلِ سنت،قسط:20)
ہر صحابیٔ نبی جنّتی جنّتی
سب صحابیات بھی جنّتی جنّتی
صَلُّوا عَلَی الْحَبِیب صَلَّی اللهُ علٰی مُحَمَّد
1 … حضرتِ طلحہ بِن عُبَیْدُاللہ رضی اللہُ عنہ کی اِن زوجۂ محترمہ کا نام حضرتِ اُمِّ کلثوم رضی اللہُ عنہا ہے ، جو اَمِیْرُ الْمُؤمِنِیْن حضرتِ صِدِّیقِ اکبر رضی اللہُ عنہ کی بیٹی تھیں ۔ (سیر اعلام النبلاء ، 3/ 19، رقم : 7 ملتقطا)
کتاب کا موضوع
کتاب کا موضوع
- امیرِاہلِ سنّت سے میاں بیوی کے بارے میں سوال جواب
- فرمانِ آخری نبی صلی اللہ علیہ واٰلہٖ وسلم
- نیک بیوی کا واقعہ
- کیا میاں بیوی جنّت میں یکجا ہوں گے ؟
- اپنی زوجہ سے اچھا سُلوک کیجیے
- شوہر کو گالی دینا کیسا؟
- شوہر خرچہ نہ دے تو بیوی کیا کرے؟
- زوجہ کے تَرکے میں شوہر کا حصّہ
- ”غیبت ناجائز و حرام ہے “کے سترہ حروف کی نسبت سے میکے جا کرسُسرال کے متعلق کی جانے والی غیبتوں کی 17 مثالیں
- ”مسلمان کی آبرو ریزی حرام ہے“ کے بائیس حُرُوف کی نسبت سے سُسرالی رشتوں کی غیبتوں کی 22 مثالیں
- ”غیبت کرنے والا بروز قیامت کُتّے کی شکل میں آئے گا “کے سینتیس حُرُوف کی نسبت سےمنگنی یا طلاق ہونے پر کی جانے والی غیبتوں کی 37 مثالیں
- گھر کی بات باہر کرنے والا کم ذات ہے
