اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

مولیٰ علی  رضی اللہ عنہ   کے 72 ارشادات

‏‫  ‫دُعائے عطار : یارَبَّ المصطفٰے!جو کوئی 17صفحات کا رسالہ “ مولیٰ علی  رضی اللہ عنہ  کے 72 اِرشادات “ پڑھ یا سُن لے ، اُسےمولیٰ علی شیرِ ِخُدا( رضی اللہ عنہ ) کے صدقے تمام صحابہ و اہلِ بیت کا سچا غلام بنا اوراُسے مولیٰ علی(  رضی اللہ عنہ  )کا جنَّت الفردوس  میں پڑوس نصیب فرما۔  آمین بجاہ النبی  الامین  صلی اللہ علیہ واٰلہٖ وسلم   

درودِ پاک کی فضیلت

 ایک بار کسی بھکا ری (Beggar)نے غیر مسلموں  سے سُو ال کیا ، اُنہوں نے مذاق کے طورپر مولیٰ  علی مُشکل کُشا ، شیرِخُدا    رضی اللہ عنہ    کے پاس بھیج دیا جو کہ سا منے تشریف فرما تھے۔ اُس نے حا ضِر ہو کر سوال کیا تو آپ  رضی اللہ عنہ   نے 10 بار دُرُود شریف پڑھ کر اُس کی ہتھیلی پر دَم کر دیا اور فرمایا : مٹھی بند کر لو اور جن لوگوں نے بھیجا ہے اُن کے سامنے جا کر کھول دو۔ (کفار ہنس رہے تھے کہ خالی پھونک  مارنے سے کیا ہوتا ہے!) مگر جب سائل نے اُن کے سامنے جاکر مٹھی کھولی تو اُس میں ایک دِینار تھا! یہ کرامت دیکھ کر کئی غیر مسلم مسلمان ہو گئے۔ (راحت القلوب ،  ص142)

وِرد جس نے کیا دُرود شریف                                                      اور دل سے پڑھا دُرود شریف

حاجتیں سب رَوا ہوئیں اُس کی                                                   ہے عَجَب کیمیا دُرُود شریف

صَلُّوا عَلَی الْحَبِیب _                                       _صَلَّی اللهُ علٰی مُحَمَّد                              

مولیٰ علی کا تعارف

مسلمانوں کے چوتھے خلیفہ ، امیرُ المؤمنین حضرتِ مولیٰ علی شیرِخُدا  رضی اللہ عنہ   مکہ شریف میں پیدا ہوئے۔ آپ کی امی جان حضرت  بی بی فاطمہ بنتِ اَسَد   رضی اللہ عنہا  نےاپنےوالد کے نام پر آپ کا نام ’’حیدر ‘‘رکھا ، والِد نے آپ کا نام’’علی‘‘ رکھا اور حُضور  صلی اللہ علیہ واٰلہٖ وسلم   نے آپ کو’’ اَسَدُ اللہ‘‘ کے لقب سے نوازا (مرآۃ المناجیح ، 8 / 412) اِس کے علاوہ ’’مُرتَضٰی(چُنا ہوا)‘‘ ، ’’ کَرّار(پلٹ پلٹ کر حملے کرنے والا)‘‘ ، ’’شیرِ خدا ‘‘اور ’’مولا  مشکِل کُشا‘‘آپ رضی اللہ عنہ  کے مشہور اَلقابات ہیں۔

حضرت مولیٰ مُشکل کُشا ، علیُّ المرتضیٰ ، شیرِ ِخُدا   رضی اللہ عنہ  کی کُنْیَت ’’ابوالحسن‘‘  اور “ ابوتُراب “ ہے۔ آپ پیارے آقا ، مکی مدنی مصطفےٰ  صلی اللہ علیہ واٰلہٖ وسلم   کے چچا زاد بھائی (Paternal Cousin) ہیں۔  آپ   رضی اللہ عنہ  نے  4سال ، 8ماہ ، 9دن تک خِلافت فرمائی ۔ 17 یا 19 رَمَضانُ المبارَک کو ایک خبیث خارِجی کے قاتلانہ حملے سے آپ شدید زخمی ہو گئے اور21 رَمَضان المبارک ، اتوار کی رات شہید ہوگئے ۔       (اسد الغابۃ ، 4 / 100 ، تاریخ الخلفاء ،  ص132- 139 ، خلفائے راشدین ، ص 313 )

اللہ ربُّ العِزَّت  کی آپ پر رَحمت ہو اورآپ کے صَدقے ہماری بے حساب مغفِرت ہو۔     اٰمین بِجاہِ النّبیِّ الْاَمین  صلی اللہ علیہ واٰلہٖ وسلم

علیُّ المرتضیٰ شیرِ خدا ہیں                                                                     کہ ان سے خوش حبیبِ کبریا ہیں

صَلُّوا عَلَی الْحَبِیب                                                  صَلَّی اللهُ علٰی مُحَمَّد

شیرِ خدا کے ارشادات

(1) عمل سے بڑھ کر اُس کی قبولیت کا اہتمام کرو ، اِس لئے کہ پرہیزگاری کے ساتھ کیا گیا تھوڑا عمل بھی بہت ہوتا ہے اور جو عمل مقبول ہو جائے وہ کیسے تھوڑا ہو گا؟            (کنزالعمال ، جز : 1 ، 2 / 278 ، حدیث : 8492)

(2) (عید کے دن فرمایا : ) ہر وہ دن جس میں اللہ پاک کی نافرمانی نہ کی جائے ہمارے لئے عید کا دن ہے۔ (قوت القلوب ، 2 / 38)

(3) میں تم پر دو چیزوں سے بہت زیادہ خوف زدہ رہتا ہوں : (1)خواہش کی پیروی اور (2)لمبی امیدیں۔ “ (الزہد لابن المبارك ، 1 / 86 ، رقم : 255)

(4)جو شخص یہ گمان رکھتا ہے کہ نیک اعمال اپنائے بغیر جنت میں داخل ہو گاتو وہ جُھوٹی اُمّید کا شکار ہے۔ (ایہا الولد ، ص11)

(5) خرچ کرو ، تشہیر(Show Off) نہ کرو اورخودکو اس لئے بلند نہ کرو کہ تمہیں پہچانا جائے اور تمہارا  نام ہو بلکہ چھپے رہواور خاموشی اختیار کرو ، سلامت رہو گے۔                                       (احیاء العلوم ، 3 / 339)

(6)انسان کا قد 22سال جبکہ عقل 28 سال کی عمر تک بڑھتی ہے ، اس کے بعد مرتے دم  تک تجرِبات کاسلسلہ رہتا ہے۔ (الکواکب الدریۃ ، 1 / 102)

(7)گناہوں کی نحوست سے عبادت میں سستی اور رزق میں تنگی آتی ہے۔ (طبقات الصوفیاء ، 1 / 106)

(8) بندہ بے صبری کر کے اپنے آپ کو حلال روزی سے محروم کر دیتا ہے اور اس کے باوجود اپنے مُقَدَّر سے زیادہ حاصل نہیں کر پاتا۔ (المستطرف ، 1 / 124)

(9)جس “ تکلیف “ کے بعد “ جنت “ ملنے والی ہو وہ “ تکلیف “ نہیں اور جس “ راحت “ کا انجام “ دوزخ “ پرہو وہ “ راحت “ نہیں ۔ (المستطرف ، 1 / 140)