نیکی کی دعوت ^{(حصہ اوّل)}

مُؤَلِّف:

شیخِ طریقت، امیرِ اہلسنّت، بانیٔ دعوتِ اسلامی حضرت علّامہ مولانا

ابوبلال محمد الیاس عطّاؔر قادِری رضوی دَامَت بَرَکاتُہُمُ الْعَالِیَہ

ناشِر

مکتبۃُ المد ینہ بابُ المدینہ کراچی

  اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اس کتاب کے بارے میں   اَہَم مَدَنی پھول

                خَاتَمُ الْمُرْسَلین،رَحمَۃٌ لِّلْعٰلمین صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ دلنشین ہے: ’’قِیامت کے دن سب نبیوں   سے زیادہ میری اُمّت ہوگی۔‘‘ (مسلم ص۱۲۸حدیث ۳۳۱)مُفَسّرِشہیرحکیمُ الْاُمَّت  حضر ت ِ مفتی احمد یار خان عَلَیْہِ رَحْمَۃُ الحَنّاناس حدیثِ پاک کے تحت فرماتے ہیں  : جنَّتیوں   کی 120صفیں   ہوں   گی جن میں   سے 80صَفیں  حُضُور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی اُمّت کی ہوں   گی باقی 40 صَفوں   میں   سارے نبیوں  عَلَيْهِمُ الصَّلٰوۃُ وَالسَّلامکی اُمَّتیں  ۔(تِرمِذی ج۴ص۲۴۵ حدیث ۲۵۵۵)مفتی صاحِب ایک اور جگہ لکھتے ہیں  :جیسے حُضُورِاَنور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ تمام نبیوں  عَلَيْهِمُ الصَّلٰوۃُ وَالسَّلامکی کے سردار ہیں  ، ایسے ہی حُضُورِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی اُمّت ساری اُمَّتوں   کی سردار ہے۔(مراٰۃالمناجیح ج۸ ص۵،۵۸۶)

      اللّٰہ ربُّ العٰلمینجَلَّ جَلا لُہ کا کروڑ ہا کروڑ اِحسان کہ اس نے ہمیں   انسان اورمسلمان بنایا اور اپنے پیارے حبیب،حبیبِ لبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی اُمَّت میں   پیدا کیا۔ اللہ عَزَّ وَجَلَّنے اِس اُمَّت کو دنیا وآخِرت میں   جورِفعت ومَنزِلت،شان وعَظَمت اور سعا د ت  وشرافت عنایت فرمائی ہے اس کا ایک سبب اِس اُمَّت کااَمْرٌ بِالْمَعْرُوْف وَ نَہْیٌ عَنِ المُنْکَر (یعنی نیکی کا حکم کرنے اوربُرائی سے منع کرنے)کے فریضے کو ادا کرنا بھی ہے ، چنانچِہدعوتِ اسلامی کے اِشاعَتی ادارے مکتبۃُ المدینہ کے مطبوعہ ترجَمے والے پاکیزہ قراٰن ، ’’  کنزالایمان مع خزائن العرفان‘‘ صَفْحَہ129پرپارہ4 سُوْرَۂ اٰلِ عِمْرٰن کی آیت نمبر 110میں   اِرشادہوتاہے :

كُنْتُمْ  خَیْرَ  اُمَّةٍ  اُخْرِجَتْ  لِلنَّاسِ   تَاْمُرُوْنَ  بِالْمَعْرُوْفِ  وَ  تَنْهَوْنَ  عَنِ  الْمُنْكَرِ  وَ  تُؤْمِنُوْنَ  بِاللّٰهِؕ-

ترجَمۂ کنزالایمان: تم بہتر ہو اُن سب اُمّتوں   میں   جو لوگوں   میں   ظاہِر ہوئیں  ، بھَلائی کا حُکم دیتے ہو اور بُرائی سے منع کرتے ہو اور اللّٰہ(عَزَّوَجَلَّ)پر ایمان رکھتے ہو۔

                میٹھے میٹھے اسلامی بھائیو! ہر مُسلمان اپنی اپنی جگہ مُبلِّغ ہے خواہ وہ کِسی بھی شُعبے سے تَعَلُّق رکھتا ہو، یعنی وہ عالِم ہو یا  مُتَعِلِّم(یعنی طالبِ علم)اِمامِ مسجد ہو یا مُؤَذِّن، پیر ہو یا مُرید، تاجِر ہو یا گاہک ،سیٹھ ہو یا مُلازِم، اَفسر ہو یا مَزدور، حاکم ہو یا محکوم،اَلْغَرَض جہاں   جہاں   وہ رَہتا ہو، کام کاج کرتا ہو،رِضائے الٰہی عَزَّوَجَلَّ کیلئے اچّھی اچّھی نیّتوں   کے ساتھ اپنی صَلاحِیَّت کے مُطابِق اپنے گِرد و پیش کے ماحول کو سُنَّتوں   کے سانچے میں   ڈھالنے کے لیے کَوشاں  (یعنی کوشش کرنے والا) رہے اور نیکی کی دعوت کا مَدَنی کام  جاری  رکھے، مگر افسوس !فی زمانہ یہ عظیم مَدَنی کام  بَہُت زیادہ سُستی کا شکار ہے، اِس سُستی کو چُستی سے بدلنے کے لئے تبلیغِ قراٰن وسنّت کی عالمگیر غیر سیاسی تحریک دعوتِ اسلامی سنّتوں   بھرے اجتماعات،مَدَنی قافلوں  ،عَلاقائی دورہ برائے نیکی کی دعوت،مَدَنی تربیّتی کورس، فرض عُلُوم کورس،مَدَنی چینل اور درسِ فیضانِ سنّت وغیرہ کے ذَرِیعے خوب سرگرمِ عمل ہے ۔ اَلْحَمْدُلِلّٰہِ عَزَّ وَجَلَّ ’’فیضانِ سنّت‘‘ کے تادمِ تحریر پانچ ابواب: (۱)فیضانِ بسم اللّٰہ (۲)آدابِ طَعام (۳) پیٹ کا قفلِ مدینہ (۴)فیضانِ رَمَضَان اور (۵)غیبت کی