پہلے اِ سے پڑھ لیجیے!

اَلْحَمْدُ لِلّٰہ عَزَّوَجَلَّ تبلیغِ قرآن وسنت کی عالمگیر غیر سیاسی تحریک دعوتِ اسلامی کے بانی، شیخِ طریقت، امیرِاہلسنّت حضرت علّامہ مولانا ابو بلال  محمّد الیا س عطاؔر قادری رضوی ضیائی دَامَتْ بَرَکاتُہُمُ الْعَالِیَہ نے اپنے مخصوص انداز میں سنتوں بھر ے بیانات ، عِلْم وحکمت سے معمور مَدَ نی مذاکرات اور اپنے تربیت یافتہ مبلغین کے ذَریعے تھوڑے ہی عرصے میں لاکھوں مسلمانوں کے دلوں میں مدنی انقلاب برپا کر دیا ہے،آپدَامَتْ بَرَکاتُہُمُ الْعَالِیَہکی صحبت سے فائدہ اُٹھاتے  ہوئے کثیر اسلامی بھائی وقتاً فوقتاً مختلف مقامات پر ہونے والے مَدَنی مذاکرات میں مختلف قسم کے موضوعات  مثلاً عقائدو اعمال، فضائل و مناقب ، شریعت و طریقت، تاریخ و سیرت ،سائنس و طِبّ، اخلاقیات و اِسلامی معلومات، روزمرہ معاملات اور دیگر بہت سے موضوعات سے متعلق سُوالات کرتے ہیں اور شیخِ طریقت امیر اہلسنّتدَامَتْ بَرَکاتُہُمُ الْعَالِیَہانہیں حکمت آموز  اور  عشقِ رسول میں ڈوبے ہوئے جوابات سے نوازتے ہیں۔  

امیرِاہلسنّتدَامَتْ بَرَکاتُہُمُ الْعَالِیَہ کے ان عطاکردہ دلچسپ اور علم و حکمت سے لبریز  مَدَنی پھولوں کی خوشبوؤں سے دنیا بھرکے مسلمانوں کو مہکانے کے مقدّس جذبے کے تحت  المدینۃ العلمیہ کا شعبہ ’’ فیضانِ مدنی مذاکرہ‘‘ ان مَدَنی مذاکرات کوکافی ترامیم و اضافوں  کے ساتھ’’ فیضانِ مدنی مذاکرہ‘‘کے نام سے پیش کرنے کی سعادت حاصل کر رہا ہے۔ان تحریری گلدستوں کا مطالعہ کرنے سے اِنْ شَآءَ اللہ عَزَّوَجَلَّ عقائد و اعمال اور ظاہر و باطن کی اصلاح، محبت ِالٰہی و عشقِ رسول  کی لازوال دولت کے ساتھ ساتھ مزید حصولِ علمِ دین کا جذبہ بھی بیدار ہوگا۔

اِس رسالے میں جو بھی خوبیاں ہیں یقیناً  ربِّ رحیم عَزَّوَجَلَّ اور اس کے محبوبِ کریم صَلَّی اللّٰہ تعالٰی علیہ واٰلہٖ وسلَّمکی عطاؤں ، اولیائے کرامرَحِمَہُمُ اللّٰہ ُ السَّلَام کی عنایتوں اور امیراہلسنّت دَامَتْ بَرَکاتُہُمُ الْعَالِیَہ کی شفقتوں اور پُرخُلوص دعاؤں کا نتیجہ ہیں اور خامیاں ہوں تو  اس میں ہماری غیر ارادی کوتاہی کا دخل ہے۔

مَجلسِّ اَلمدَیۡنَۃُ العِّلمیہ

                                   شعبہ فیضانِ مدنی مذاکرہ

 ۵رمضان المبارک ۱۴۳۶ھ/23 جون 2015 ء

اَلْحَمْدُ لِلّٰہِ رَبِّ الْعٰلَمِیْنَ  وَالصَّلٰوۃُ  وَالسَّلَامُ  عَلٰی  سَیِّدِ  الْمُرْسَلِیْنَ ^ط

اَمَّا بَعْدُ فَاَعُوْذُ بِاللہِ مِنَ الشَّیْطٰنِ الرَّجِیْمِ ^ط بِسْمِ اللہِ الرَّحْمٰنِ الرَّحِیْمِ ^ط

ساداتِ کرام کی عظمت

(مع دیگردلچسپ سُوال وجواب)

شیطان لاکھ سُستی دِلائے یہ رسالہ(۳۰ صفحات)مکمل پڑھ لیجیے۔اِنْ شَآءَ اللّٰہ عَزَّوَجَلَّ معلومات کا اَنمول خزانہ ہاتھ آئے گا۔

دُرُود شریف کی فضیلت

نبیٔ آخر الزّمان،شَہَنْشاہِ کون ومکان،سلطانِ اِنس وجان،رحمتِ عالمیان، سردارِ دوجہان،سرورِ ذیشان،محبوبِ رحمٰنصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا فرمانِ بخشش نشان ہے:جس نے دن اور رات میں میری طرف شوق و مَحَبَّت کی وجہ سے تین تین مرتبہ دُرُودِ پاک پڑھا اللہ  عَزَّ  وَجَلَّ پر حق ہے کہ وہ اُس کے اُس دن اور اُس رات کے گناہ بخش دے۔^([1])

صَلُّوا عَلَی الْحَبِیْب!                                    صَلَّی اللّٰہُ تَعَالٰی عَلٰی مُحَمَّد

پڑھتا رہوں کثرت سے دُرُود اُن پہ سَدا میں

      اور ذِکْر کا بھی شوق پئے غوث و رضا دے     (وسائلِ بخشش)

سیِّد کی تعریف

عرض:سیِّد کسے کہتے ہیں؟

اِرشاد:سَیِّد کا لغوی معنیٰ”سردار“ہےمگرپاک و ہندمیں اِصطلاحاً وہ لوگ سَیِّد کہلاتے ہیں جو حَسَنَینِ کَرِیْمَیْنرَضِیَ اللّٰہُ تَعَالٰی عَنْہُمَا کی اَولاد ہیں جبکہ عرب شریف میں ہرمعزز شخص کو”سَیِّد“اور حَسَنَینِ کَرِیْمَیْنرَضِیَ اللّٰہُ تَعَالٰی عَنْہُمَا کی اَولادکو ”شریف“ کہا جاتاہے۔میرے آقا اعلیٰ حضرت،اِمامِ اہلسنَّت، مجدِّدِ دین وملّت مولانا شاہ امام احمدرضاخانعَلَیْہِ رَحمَۃُ الرَّحْمٰن فرماتے ہیں:”سَیِّد“ سبطین کریمین(یعنی حَسَنَینِ کَرِیْمَیْنرَضِیَ اللّٰہُ تَعَالٰی عَنْہُمَا) کی اولاد کو کہتے ہیں۔^{([2] )}

امیرِاہلسنّت اور سیِّد زادے کا اَدب

عرض:(عرب اَمارات کے قِیام کے دَوران بعض ٹیسٹ (Test) کروانے کے لیے امیرِ اہلسنّتدَامَتْ بَرَکاتُہُمُ الْعَالِیَہایک صاحِب کی وَساطت سے دُبئی کے ایک اسپتال کی لیبارٹری میں تشریف لے گئے،اپنے پیشاب کی شیشی(Urine Bottle)ان صاحِب کے تقاضے کے باوجود اُنہیں اُٹھانے کے لیے نہ دی۔بعد میں آپدَامَتْ بَرَکاتُہُمُ الْعَالِیَہ کی خدمت میں عرض کی گئی:)آپ نے ان صاحِب کو اپنی(Urine Bottle) نہیں دی اس میں کیا حِکمت تھی؟

اِرشاد:وہ سَیِّدصاحِب تھے میں اُن کو اپنے پیشاب کی بوتل کیسے پکڑاتا؟اگر قِیامت کے روز سیِّدصاحب کے جدِّ اعلیٰ،ہمارے پیارےآقا،مکی مدنی مصطفےٰصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے فرمادیا کہ