Book Name:Rajab ki Baharain Ma Nafli Rozon kay Fazail
اللہ کرم ایسا کرے تجھ پہ جہاں میں
اے دعوتِ اسلامی تری دُھوم مَچی ہو!
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
بَیان کا خُلاصہ
میٹھے میٹھے اسلامی بھائیو!آج ہم نے رَجَب کی بہاروں کے مُتَعَلِّق سُنا۔ سب سے پہلے ہم نے رَجَبُ المُرَجَّب کی تَعْظِیم کرنے والے ایک غیر مُسْلِم کی حِکایت سُنی کہ جس نے غیر مُسْلِم ہونے کے باوُجُود رَجَبُ الْمُرَجَّب کی تَعْظِیم کرتے ہوئے جب گُناہ کا اِرادَہ تَرک کر دیا تو اللہ عَزَّ وَجَلَّ نے اسے دولتِ ایمان سے مالامال فرمادیانیز یہ بھی پتا چلا کہ رَجَب ان مہینوں میں سے ہے کہ جن کی حُرمت و عَظمت کا اِعْلان اللہ عَزَّ وَجَلَّ نے قرآنِ پاک میں کیا ہے۔ اس ماہِ مُقدّس میں روزوں کی بھی بڑی برکتیں ہیں کہ اس مہینے کے پہلے دن کا روزہ تین سال کا کَفّارہ ہے اور دوسرے دن کا روزہ دو سالوں کا اور تیسرے دن کا ایک سال کا کَفّارہ ہے ،پھر ہر دن کا روزہ ایک ماہ کا کَفّارہ ہے۔اور پھر رَجب کی ستّائیسویں رات کی عظمت و فضیلت کے لئے تو یہی کافی ہے کہ اس میں ہمارے پیارے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکو معراج کا عظیم مُعْجِزَہ عطا کیا گیا۔اس دن روزہ رکھنا 100سال کے روزوں کے برابر اورعبادت کرنا 100سال کی عبادت کے برابر ہے۔یہی وجہ ہے کہ بُزرگانِ دین اس میں عبادت و روزے کا خاص اِہْتمام کیا کرتےتھے اللہ عَزَّ وَجَلَّ ہمیں رجب میں خُوب خُوب عِبادَت کرنے بکثرت اِسْتِغْفار کرنے اور گُناہوں سے سچّی توبہ کرنے کی توفیق عطا فرمائے۔ اٰمِیْن بِجاہِ النَّبِیِّ الْاَمِیْن صلَّی اللہُ تَعَالیٰ عَلَیْہِ وَاٰلِہٖ وَسَلَّم
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد