موتين سان تيار ڪيل گنبد جهڙا خيما

معراج جي رات پياري آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم جن رحمتِ اِلٰهي جي مشاهدن مان هي به ڏٺائون  ته جنّت ۾ موتين سان تيار ڪيل گنبد جهڙا خيما ملاحظه فرمايا، جنهن جي مٽي مُشڪ جي هئي. پاڻ صَلَّى اللهُ تَعَالٰى عَلَيْهِ وَاٰلِهٖ وَسَلَّم جن حضرتِ جبرائيل عَـلَيْـهِ الـسَّـلَام کان پڇيائون: لِمَنْ ھٰذا  یَا جِبْرِیْل يعني اي جبريل! هي ڪنهن لاءِ آهن؟ عرض ڪيو: اي مُحَمَّد صَلَّى اللهُ تَعَالٰى عَلَيْهِ وَاٰلِهٖ وَسَلَّم! هي توهان جي اُمّت جي آئمه (يعني مسجد جي امام) ۽ مؤذِّنن جي لاءِ آهن. (المسند للشاشى، مسند عبادة بن الصامت، ٣/٣٢١، الحديث :١٤٢٨)       

نور ۾ لڪيل ماڻهو

سَفَرِ معراج جي حسين رات پياري پياري آقا صَلَّى اللهُ تَعَالٰى عَلَيْهِ وَاٰلِهٖ وَسَلَّم جو گُذر هڪ اهڙي شخص وٽان ٿيو جيڪو عرش جي نُور ۾ لڪيل هو. پاڻ صَلَّى اللهُ تَعَالٰى عَلَيْهِ وَاٰلِهٖ وَسَلَّم جن فرمايو: هي ڪير آهي، ڇا ڪو ملائڪ آهي؟ عرض ڪيو ويو: نه. فرمايائون: ڪو نبي آهي؟ چيو ويو: نه. پڇيائون: پوءِ هي ڪير آهي؟ ٻڌايو ويو: هي اُهو شخص آهي جنهن جي زبان دنيا ۾ ذڪرِ الٰهي سان تَر رهندي هئي، ان جو دل مسجدن سان لڳل رهندو هو ۽ هي ڪڏهن به پنهنجي والدين کي بُرو چوڻ ۽ اُن جي بي عزتي ڪرڻ جو سبب نه بڻيو. (موسوعة الامام ابن ابى الدنيا، ڪتاب الاوليا، ٢/٤١٥، الحديث: ٩٥)

آسمانوں پر گئے اور خُلد کی بھی سَیر کی

شاہ کا یہ مرتبہ، اہلاً وّسہلاً مرحبا