گناھ ڪرڻ جا وڌيڪ اهي نُقصان به ٿي سگھن ٿا مثال طور: (۱) روزي جو گھٽ ٿيڻ (۲) مصيبن جي گھڻائي (۳) عمر جو گھٽجڻ (۴) دل ۾ ۽ ڪڏهن ڪڏهن تمام بدن ۾ اوچتو ڪمزوري جو پيدا ٿي صحت خراب ٿيڻ (۵) عبادتن کان محروم ٿيڻ (۶)عقْل ۾ فُتور پيدا ٿيڻ (۷) ماڻهن جي نظرن ۾ ذليل و خوار ٿيڻ (۸) فصل ۽ باغن جي پيداوار ۾ گھٽتائي ٿيڻ (۹) نعمتن جو کسجڻ (۱۰) هر وقت دل جو پريشان رهڻ (۱۱) اوچتو شديد بيمارين ۾ مبُتلا ٿيڻ (۱۲) الله تعاليٰ، ان جي ملائڪن، نبين ۽ نيڪ ٻانهن جي لعنتن ۾ گرفتار ٿيڻ (۱۳) چهري تان ايمان جو نُور نڪرڻ سان چهري جو بي رونق ٿيڻ (۱۴) شرم و غيرت جو ختم ٿيڻ (۱۵) هر طرف کان ذِلَّتن، رُسوائين ۽ ناڪامين جو هجوم ٿيڻ (۱۶) مرڻ وقت زبان تان ڪلمو نه نڪرڻ وغيره وغيره گُناهن جي نحوست سبب وڏا وڏا دُنياوي نُقصان ٿيندا آهن۔ (جنّتي زيور،ص:۱۴۳)

صَــلُّـوْا عَـلَـی الْـحَبِيْـب!                        صَـلَّـی اللهُ تَعالٰـی عَلـٰی مُـحَـمَّد

بيان جو خُلاصو

مٺا مٺا اسلامي ڀائرو! اڄ اسان يزيدِ پليد جي بُري ڪردار جي حوالي سان بيان ٻڌو، اها هڪ بي نقاب حقيقت آهي ته يزيدِ پليد هڪ ظالم، جابِر، بيباڪ و بي حِس ۽ هڪ بد ڪردار انسان هو، جنهن ڪيئي گُناهن