Book Name:Miraaj kay Waqiaat
بُراق کی قسمت مرحبا بُراق کی سُرعَت مرحبا نبیوں کی اِمامت مرحبا
آقا کی رِفْعت مرحبا آسماں کی سِیاحت مرحبا مکینِ لامکاں کی عظمت مرحبا
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
حضرت سَیِّدُنا اَنَس بِن مالِک رَضِیَ اللّٰہُ تَعَالٰی عَنْہُ سے مروی ہےکہ پیارے آقا، شَبِِ اَسْرٰی کے دُولہا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا:میرے پاس بُرَاق(جس کا نام جارُود تھا)لایا گیا، جوگدھے سے بڑااور خچر سے چھوٹا ،اِنْتہائی سفید رنگ کا لمبے قد والا چوپایہ تھا ،اُس کا قدم نظر کی اِنْتہاء پر پڑتا تھا ،میں اُس پر سُوار ہو کر بَیْتُ الْمَقْدِس تک پہنچا،جس جگہ اَنْبیائے کرام عَلَیْہِمُ الصَّلٰوۃُ وَالسَّلَام اپنی سُواریوں کو باندھتے تھے،وہاں میں نے اُس کو باندھ دِیا، پھر میں مسجدِ(اَقْصٰی)میں داخِل ہوا اور اُس میں دو رکعت نماز ادا کی۔( مسلم ،کتاب الایمان ، باب الاسراء برسول اللہ …الخ ،ص۹۷،حدیث۲۵۹)
انبیائے کِرَام عَلَیْہِمُ الصَّلٰوۃُ وَالسَّلَام کی اِمامَت
اِس نماز میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ،تمام اَنْبیائے کرام عَلَیْہِمُ الصَّلٰوۃُ وَالسَّلَام کے اِمام تھے۔ (سیرۃ سید الانبیاء،ص۱۲۸)(کیونکہ)پیارے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی شانِ عالی کے اِظْہار کے لئے بَیْتُ الْمَقْدِس میں تمام اَنْبیائے کِرَام عَلَیْہِمُ الصَّلٰوۃُ وَالسَّلَام کو جمع کِیا گیا تھا۔(نسائى، كتاب الصلاة، باب فرض الصلاة...الخ، ص۸۱،حديث:۴۴۸)جب آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ یہاں تَشْرِیْف لائے تو اُن سب حضرات نے آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو دیکھ کر خُوش آمدید کہا اور نماز کے وقت سب نے آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو اِمامَت کے لئے آگے کِیا، پھر حضرتِ جِبْرائیل عَلَیْہِ السَّلَام نے دستِ