(پ ۴،آل عمران : ۱۳۴)                                                                                                                                                   

تَرْجَمَۂ کنز الایمان :اور غُصَّہ پینے والے او ر لوگو ں سے دَرگُزرکرنے والے اور نیک لوگ اللہ کے محبوب ہیں۔

       جبکہ ایک اور آیتِ مبارکہ میں عَفْو و درگزر اور بُردباری کی تعلیم اس طرح دلائی گئی ہے، چنانچہ پارہ18 سُورۂ نُور کی آیت نمبر22 میں اِرْشاد ہوتا ہے:

وَ لْیَعْفُوْا وَ لْیَصْفَحُوْاؕ-اَلَا تُحِبُّوْنَ اَنْ یَّغْفِرَ اللّٰهُ لَكُمْؕ-وَ اللّٰهُ غَفُوْرٌ رَّحِیْمٌ(۲۲) (پ ۱۸ ، النور:۲۲)  

تَرْجَمَۂ کنز الایمان :اور چاہئے کہ مُعاف کریں اور دَرگُزر یں  کیاتم اسے دوست نہیں رکھتے کہ اللہ تمہاری بخشش کرے اور اللہ بخشنے والامہربان ہے۔

شیطان کیا چاہتا ہے؟

      پىارے پىارے اسلامى بھائىو!معلوم ہوا کہ معاف کرنا اور درگزر کرنا اللہ پاک سے مغفرت پانے کا سبب ہے اور یہ عادت اللہ کریم کو بہت پسند ہے۔ اس میں شک نہیں کہ شیطان اِنسان کا اَزَلی دشمن(Enemy) ہے،جیسا کہ اللہ پاک قرآنِ پاک میں ارشاد فرماتا ہے :

اِنَّ الشَّیْطٰنَ یَنْزَغُ بَیْنَهُمْؕ-اِنَّ الشَّیْطٰنَ كَانَ لِلْاِنْسَانِ عَدُوًّا مُّبِیْنًا(۵۳) (پ۱۵،بنی اسرائیل:۵۳)                                        تَرْجَمَۂ کنز الایمان:بیشک شیطان ان کے آپس میں فساد ڈال دیتا ہے بیشک شیطان آدمی کا کھلا دشمن ہے۔

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

٭شیطان ہرگزیہ گوارا نہیں کرے گا کہ مسلمان آپس میں مُتَّحِد رہیں، ٭شیطان ہرگز یہ نہ چاہے گا کہ مسلمان ایک دوسرے کی خیر خواہی کریں،٭شیطان ہرگز یہ پسند یہ نہیں کرے گا کہ مسلمان ایک دوسرے کی عزّت و ناموس کے مُحافِظ بنیں، ٭شیطان ہرگز یہ برداشت نہیں کرے گا کہ