ہوگئی۔ میں عشاء کی نمازادا کرکے مقامِ ابراہیم پر پہنچا،یہاں تک کہ میں اس میں کھڑا ہوا تو اتنے میں ایک شخص نے میرے کندھوں(Shoulders)کے درمیان ہاتھ رکھا۔میں نے دیکھا تو وہ اَمِیْرُالمؤمنین حَضرتِ سَیِّدُنا عثمانِ بن عفان رَضِیَ اللہ عَنْہ تھے۔کچھ دیر بعد آپ نے سو رۂ فاتحہ سے قرآنِ کریم کی تلاوت شروع کی یہاں تک کہ پورا قرآنِ کریم ختم کرلیا۔“(الزھد لابن المبارک،باب  فضل ذکراللہ،ص۴۵۲،حدیث:۱۲۷۶ ملخصاً)

نبی نے تیرے بدلے ’’بیعتِ رضواں ‘‘میں کی بیعت                                کہا قرآن نے دستِ نبی کو دستِ یزدانی

(وسائل بخشش مُرمَّم،ص۵۸۴)

مختصر وضاحت :جب نبیِّ کریم،رءوف و رحیم صَلَّی اللہُ عَلَیْہِ وَاٰلِہٖ وَسَلَّم نے بیعتِ  رضوان میں صحابۂ کرام عَلَیْہِمُ الرِّضْوَان سے بیعت لی تو اس وقت حضرت عثمانِ غنیرَضِیَ اللہُ عَنْہ وہاں موجود نہیں تھے،تو حضور نبیِّ پاک صَلَّی اللہُ عَلَیْہِ وَاٰلِہٖ وَسَلَّمنے خود اپنا سیدھا ہاتھ اُلٹے ہاتھ پررکھ کر اس کو حضرت عثمانِ غنی رَضِیَ اللہُ عَنْہ  کا ہاتھ قرار دیتے ہوئے آپ رَضِیَ اللہُ عَنْہ کو بیعت میں شامل فرمالیا۔قرآنِ کریم نے ساقیِ کوثر،مالکِ جنت صَلَّی اللّٰہُ عَلَیْہِ واٰلِہٖ وَسَلَّمَ کے دستِ مبارک کو ربِّ کریم کا دستِ  مبارک ارشاد فرمایا ہے۔

صَلُّو ْا عَلَی الْحَبیب!                                       صَلَّی اللہُ عَلٰی مُحَمَّد

وقت نہیں ملتا!

پىارے پىارے اسلامى بھائىو! غور کیجئے! عبادت کے ایسے معمولات کس کے ہیں؟ اَمِیْرُ المؤمنین، حَضرتِ سَیِّدُنا عثمانِ غنی رَضِیَ اللہُ عَنْہ  کے۔ جن کی شان یہ ہے کہ انہیں رَسُولُاللہ صَلَّی اللّٰہُ عَلَیْہِ واٰلِہٖ وَسَلَّمَ کی دو شہزادیوں کا یکے بعد دیگرے شوہر بننے کی سعادت ملی،ان کی شان یہ ہے کہ