Book Name:Maut Ki yad Kay Fazail
خوف آتا اور اندھیرا کاٹ کھاتا ہے ، ہائے ! ہائے! اِس کے باوُجود قَبْر کے ہولناک گُھپ اندھیرے کاکوئی اِحساس نہیں ۔ نمازیں ہم سےنہیں پڑھی جاتیں ، رَمَضانُ المبارَککے روزے ہم سےنہیں رکھے جاتے ، فرض ہونے کے باوُجودزکوٰۃ پوری ہم سے نہیں دی جاتی ، ماں باپ کے حُقُو ق ہم ادا نہیں کرپاتے ، آہ ! رات دن گناہوں میں گزررہے ہیں ، یقیناً موت کاایک وقت مقرَّرہےاُسےٹالناممکن نہیں ، اگراِسی طرح گناہ کرتےکرتے یکایک موت کا پیغام آپہنچا اورہمیں قَبْر کے گڑھے میں ڈال دیا گیا تو نہ جانے ہماری قَبْر کی پہلی رات کیسی گزرےگی؟ !
یاد رکھ ہر آن آخِر موت ہے بن تُو مت اَنجان آخِر موت ہے
مرتے جاتے ہیں ہزاروں آدمی عاقِل و نادان آخِر موت ہے
مُلکِ فانی میں فنا ہر شَے کو ہے سن لگا کر کان آخِر موت ہے
بارہا عِلمیؔ تجھے سمجھا چکے مان ، یا مت مان ، آخِر موت ہے[1]
صَلُّوا عَلَی الْحَبیب! صَلَّی اللّٰہُ عَلٰی مُحَمَّد
پیارے اسلامی بھائیو!موت کوبکثرت یادرکھنےکےطریقوں میں سے ایک طریقہ یہ بھی ہےکہ ہم موت کی سختی کواپنےذہن میں رکھیں کہ موت کی حقیقت کیاہےاورموت کےبعد کے معاملات کیسےہوں گےکہ جب ان کی معلومات ہوں گی تو ہی موت کویادرکھنےکےساتھ آخرت کی تیاری کا ذہن بنے گا۔