قرار دیا ، ان کے بعد پیارے آقا ، سردارِ اَنبیا صَلَّی اللہُ عَلَیْہِ وَاٰلِہٖ وَسَلَّم  کی تمام اَوْلاد پاک ، آپ کے تمام شہزادے ، چاروں شہزادیاں اور اِن شہزادیوں کی اَوْلاد ، ان سب کو اَہْلِ بیتِ کہا جاتا ہے ، لہٰذا قرآنِ کریم کی جتنی آیات میں اَہْلِ بیتِ اطہار کا ذِکْر ہے ، اُن تمام آیات میں حَسَنَیْنِ کَرِیْمَین کا بھی ذِکْر موجود ہے۔

ان کی پاکی کا خُدائے پاک کرتا ہے بیاں        آیۂ تطہیر سے ظاہِر ہے ، شانِ اَہْلِ بیت^([1])

وضاحت : آیۂ تَطْہِیْر (یعنی پارہ : 22 ، سورۂ اَحْزاب کی آیت : 33 جس میں اَہْلِ بیت کی ظاہِر و باطن کی پاکی کا بیان ہے ، اس آیت )سے صاف ظاہِر ہے کہ اللہ پاک بھی اَہْلِ بیتِ اطہار کی پاکی کا بیان فرماتا ہے۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

امام حُسَیْن رَضِیَ اللّٰہُ عَنْہُ کا مختصر تَعَارُف

* سلطانِ کربلا ، سَیِّدُ الشُّہَداء ، امامِ عالی مقام ، امامِ عرش مقام ، امام حُسَیْن رَضِیَ اللّٰہُ عَنْہُ نواسۂ رسول ہیں * مولائے کائنات ، مولا علی اور جگرِ گوشۂ رسول ، سیدہ فاطمہ بتول رَضِی اللہُ عَنْہُمَا کے شہزادے ہیں * امام حُسَین رَضِیَ اللّٰہُ عَنْہُ 5 شعبان ، سَن 4 ہجری کو مدینہ منورہ میں پیدا ہوئے * پیارے آقا ، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم  نے آپ کا نام : حُسَیْن اور شبیر رکھا * امام حسین رَضِیَ اللّٰہُ عَنْہُ کی کنیت : ابو عبد اللہ ہے * لقب : سِبْطِ رسول (رسولِ پاک صَلَّی اللہُ عَلَیْہِ وَاٰلِہٖ وَسَلَّم  کے نواسے) اور رَیْحَانَۃُ الرَّسُول (یعنی رسول اللہ صَلَّی اللہُ عَلَیْہِ وَاٰلِہٖ وَسَلَّم  کے پھول) ہے^([2])* قاسِمِ نعمت ، مالِک جنّت صَلَّی اللہُ عَلَیْہِ وَاٰلِہٖ وَسَلَّم  نے امام حَسَن مجتبیٰ اور امام حُسَین رَضِی اللہُ عَنْہُمَا کے متعلق فرمایا : میرے یہ دونوں بیٹے جنتی نوجوانوں کے سردار ہیں^([3])* ایک حدیثِ پاک میں ہے : مَنْ اَحَبَّہُمَا فَقَدْ اَحَبَّنِی جس نے ان دونوں