جس نام سے آپ پُکاریں ، وہی میرا نام ہو گا ، آپ  نے پوچھا : تم کیا کھانے کے عادِی ہو ؟ غُلام نے کہا : جو آپ کھلا دیں گے ، کھا لوں گا ، پھر  پوچھا : کوئی خواہش ہو تو بتاؤ ! غُلام بولا : جو آپ کی خواہش ہے ، وہی میری خواہش ہے۔ میں تو غُلام ہوں اور غُلام کو ان چیزیں سے تعلق نہیں ہوا کرتا۔اس پر حضرت ابراہیم بن ادھم رَحمۃُ اللہ عَلَیْہ سوچنے لگے : کاش ! میں بھی اللہ پاک کا ایسا ہی اطاعت گزار ہوتا تو کتنا بہتر تھا۔ ^{( [1] )}  

  اے عاشقانِ رسول ! اسے کہتے ہیں ، بندہ  ( یعنی غُلام )  ہونا ، بندہ ہوتا ہی وہ ہے جس کی اپنی کوئی خواہش نہ ہو ، جس کی اپنی کوئی مرضی نہ ہو ، بندہ ہمیشہ اپنے مالِک کی مرضِی پر چلتا ہے ، اس لئے ہمیں بھی چاہئے کہ غربت آئے ، پریشانی آئے ، مصیبت آئے ، کچھ بھی ہو ، ہم اللہ پاک کے فیصلے پر مطمئن رہیں ، کبھی بھی شکوہ شکایت زبان پر نہ لائیں۔

اللہ پاک جس حال میں رکھے ، وہی بہترہے

امام شَعرانی رَحمۃُ اللہ عَلَیْہ فرماتے ہیں : بندے کے لئے شانِ بندگی یہ ہے کہ بندہ ہر حال میں اللہ پاک سے راضِی ہی رہے ، کسی معاملے میں بھی دِل میلا نہ ہونے دے ، جو کچھ عطا کیا گیا ، اس سے زیادہ کی خواہش نہ کرے ، اس لئے  کہ اللہ پاک ہم سے زیادہ ہماری بھلائی کو جاننے والا ہے ، اللہ پاک فرماتا ہے :

وَ عَسٰۤى اَنْ تَكْرَهُوْا شَیْــٴًـا وَّ هُوَ خَیْرٌ لَّكُمْۚ-وَ عَسٰۤى اَنْ تُحِبُّوْا شَیْــٴًـا وَّ هُوَ شَرٌّ لَّكُمْؕ-وَ اللّٰهُ یَعْلَمُ وَ اَنْتُمْ لَا تَعْلَمُوْنَ۠(۲۱۶)   ( پارہ : 2 ، سورۂ بقرہ : 216 )

ترجَمہ کنزُ الایمان : اور قریب ہے کہ کوئی بات تمہیں بُری لگے اور وہ تمہارے حق میں بہتر ہو اور قریب ہے کہ کوئی بات تمہیں پسند آئے اور