بيان ٻڌڻ جون نيتون

حديث پاڪ ۾ آهي: اِنَّمَا الْاَعْمَالُ بِالنِّیّات عملن جو دارومدار نيتن تي آهي. ^[1]

پيارا اسلامي ڀائرو! سٺي نيت افضل ترين عمل آهي، بيان ٻڌڻ کان پهريان سٺيون سٺيون نيتون ڪري وٺون ٿا، مثال طور نيت ڪيو نگاهون هيٺ ڪري بيان ٻڌندس، علمِ دين جي تعظيم جي نيت سان جيتري دير ٿي سگهيو گوڏن ڀر يعني التَّحِيَّات ۾ ويهڻ جيان ويهندس، ضرورت مهل سرڪي ٻين جي لاءِ جاءِ ڪشادي ڪندس، ڌڪو وغيره لڳو ته صبر ڪندس، گھُورڻ، جھڻڪڻ، تڪرار ڪرڻ کان بچندس، بيان کان پوءِ پاڻ اڳتي وڌي مسلمانن کي سلام ڪندس، هٿ ملائيندس ۽ انفرادي ڪوشش ڪري نيڪيءَ جي دعوت پيش ڪندس.اِنْ شَآءَ اللّٰهُ الْڪَرِیْم!

 صَلُّوۡا عَلَى الۡحَبِيۡب                                                      صَلَّى اللّٰهُ عَلٰى مُحَمَّد

هجرت جو سفر ۽ مسجدن جي تعمير

اسان جي پياري آقا صَلَّى اللهُ عَلَيْهِ وَاٰلِهٖ وَسَلَّم تقريباً 40 سال جي عمر ۾ اعلان نبوت فرمايو، ان کان بعد 13 سال تائين مڪي شريف  ۾ تشريف فرما رهيا ۽ نيڪي جي دعوت ڏيندا رهيا. گهٽ مان گهٽ 53 سال جي عمر مبارڪ ۾ پاڻ صَلَّى اللهُ عَلَيْهِ وَاٰلِهٖ وَسَلَّم  الله پاڪ جي حڪم سان مڪي شريف کي الوداع چئي مدينه منوره جي طرف هجرت ڪئي.  

ربيع الاول جي 12 تاريخ تي^[2] جڏهن پاڻ صَلَّى اللهُ عَلَيْهِ وَاٰلِهٖ وَسَلَّم پنهنجي يارغار يار مزار حضرت ابوبڪر صديق رَضِىَ اللهُ عَنْه سان گڏ قبيله عمروبن عوف ۾ تشريف کڻي آيا، هي جڳھ مديني شريف کان 3 ميل جي فاصلي تي هئي، پياري آقا، مڪي مدني