سُبْحٰنَ اللہ ! پیارے اسلامی بھائیو ! کیا شان ہے ہمارے غوثِ پاک   رحمۃُ اللہِ عَلَیْہ   کی... !  !  کیسی اچھی نیند ہے ، کیسی پیاری بیداری ہے ، اس سے پتا چلتا ہے کہ نیکی کی دعوت دینا ،  معاشرے (Society )  کی اِصْلاح فرمانا حُضُور غوثِ پاک   رحمۃُ اللہِ عَلَیْہ   کی طبیعت کا حِصَّہ بن چکا تھا ، یہاں تک کہ آپ نیند میں ہوتے یا بیداری میں ہر حال میں بَس عِلْمِ دِین عام کرنے ،  لوگوں کو نیکی کی دعوت دینے ،  اللہ پاک کے بندوں کو اللہ پاک سے مِلانے ہی کی فِکْر میں رہا کرتے تھے ۔  

کاش !  ہمیں بھی یہ سَعَادت ملے ،  کاش !  ہمارا بس ایک ہی مقصد (Purpose )  ہو جائے: مجھے اپنی اور ساری دُنیا کے لوگوں کی اِصْلاح کی کوشش کرنی ہے ( اِنْ شَآءَ اللہُ الْکَرِیْم !  )  ،  پِھر اس مقصد کو لے کر بس ہر وقت سیکھنے ،  سکھانے ،  سننے ،  سنانے ،  سمجھنے ،  سمجھانے ،  نیکیاں کرنے اور نیکی کی دعوت عام کرنے ہی میں مَصْرُوف رہا کریں ۔  گھر ہو ،  دکان ہو ،  بازار ہو یا محلہ ،  سَفَر میں ہوں یا حَضَر میں ،  فون پر بات ہو یا بِالْمُشَافہ (Face to face )  ملاقات ہو ،  بس ہر وقت نیک بننے اور نیک بنانے ہی کی دُھن سُوار ہو جائے ۔  

نیک بن جائیں ہم ،  تاجدارِ حرم         دردِ عِصیاں مِٹے ،  عادتِ بد چُھٹے

واسِطہ خُلقِ محبوب کا ہے                 یا خدا تجھ سے میری دُعا ہے

سُنّتوں کی کروں خوب خدمت            ہر کسی کو دوں نیکی کی دعوت

نیک میں بھی بنوں اِلتجا ہے              یا خدا تجھ سے میری دُعا ہے^{([1] )}

صَلُّوْا عَلَی الْحَبِیْبِ !                                             صَلَّی اللہُ عَلٰی مُحَمَّد