بِالْہَدْیَۃِ یعنی جیسے تم تحفہ ملنے سے خوش ہوتے ہو ،  ایسے ہی فوت شدگان اس (ایصالِ ثواب )  سے خُوش ہوتے ہیں ۔ ^{([1] )}  

سُبْحٰنَ اللہ !  اے عاشقانِ غوثِ پاک !  ہم گیارہویں شریف کا اہتمام کریں ،  حُضُور غوثِ پاک   رحمۃُ اللہِ عَلَیْہ   کے لئے ایصالِ ثواب کریں ،  اس سے غوثِ پاک   رحمۃُ اللہِ عَلَیْہ   ہم سے خوش ہو جائیں تو ہمیں اَور کیا چاہئے... !  !

رکھتا ہے جو غوثِ اعظم سے نیاز        ہوتا ہے خوش اس سے مولیٰ بےنیاز^{([2] )}

مفسرِقرآن ،  حکیم الاُمَّت مفتی احمد یار خان نعیمی   رحمۃُ اللہِ عَلَیْہ   فرماتے ہیں: اگر ہر چاند کی گیارہویں شب کو مُقَرَّر پیسوں کی شیرینی مسلمان کی دُکان سے خرید کر پابندی سے گیارہویں کی فاتحہ دیا کرے تو رزق میں بہت ہی بَرَکت ہو گی اور اِنْ شَآءَ اللہُ الْکَرِیْم !  کبھی پریشان حال نہ ہو گا ۔  خود میں اس کا پابند ہوں اور اللہ پاک کے فضل سے اس کی بےشمار خوبیاں پاتا ہوں ۔ ^{([3] )}   

ہوں گی آساں ساری تیری مشکلیں        صدقِ دِل سے غوث کی کر دے نیاز

ہے فضیلت گیارہویں تاریخ میں          اس لئے افضل ہے اس میں دے نیاز

ساز و ساماں کی نہیں تخصیص کچھ            جو میسر ہو اسی پر دے نیاز^{([4] )}

الحمد للہ !  عاشقِ غوثِ پاک شیخِ طریقت ،  امیر اہلسنت  دامت بَرَکاتُہمُ العالیہ  حُضُور غوثِ پاک   رحمۃُ اللہِ عَلَیْہ   کے مُرید بھی ہیں اور غوثِ پاک   رحمۃُ اللہِ عَلَیْہ   سے بےپناہ محبّت بھی رکھتے