والا پِیر کہتے ہیں ،  ویسے بھی حُضُور غوثِ پاک   رحمۃُ اللہِ عَلَیْہ   کے ایصالِ ثواب کی محافِل کو گیارہویں شریف کہا جاتا ہے ۔  اس کے کئی اسباب ہیں ،  مثلاً  * حُضُور غوثِ پاک   رحمۃُ اللہِ عَلَیْہ   کا یومِ وِصَال 11 ربیعُ الآخر ہے ،  اس لئے آپ کو گیارہویں والا پیر کہتے ہیں  * حُضُور غوثِ پاک   رحمۃُ اللہِ عَلَیْہ   کا سلسلۂ نسب 11 واسطوں سے امام حَسَن مجتبیٰ  رَضِیَ اللہُ عنہ  تک پہنچتا ہے^{([1] )}   * آپ کا شجرۂ طریقت (یعنی آپ کے پیر صاحِب ،  پِھر ان کے پِیر صاحِب ،  پِھر اُن کی پِیر  صاحِب یوں جو لڑی ہے ،  یہ شجرہ شریف بھی )  11 واسطوں سے حضرت علی المرتضیٰ شیرِ خُدا  رَضِیَ اللہُ عنہ  تک پہنچتا ہے  * حکیم الامت مفتی احمد یار خان نعیمی   رحمۃُ اللہِ عَلَیْہ   نے اپنی کتاب جَاء َالْحَق میں اس کا ایک اور بہت پیارا اور ایمان افروز سبب لکھا ہے ۔  لکھتے ہیں: حُضُور غوثِ پاک   رحمۃُ اللہِ عَلَیْہ   12 وِیں شریف یعنی سرکارِ عالی وقار ،  مکی مدنی تاجدار   صَلَّی اللہُ عَلَیْہِ وَاٰلِہٖ وَسَلَّم   کا میلاد شریف بہت پابندی سے کیا کرتے تھے ،  ایک روز رسولِ ذیشان ،  مکی مدنی سلطان   صَلَّی اللہُ عَلَیْہِ وَاٰلِہٖ وَسَلَّم   خواب میں تشریف لائے اور فرمایا: عَبدُ القادِر !  تم نے ہمیں 12 وِیں سے یاد کیا ،  ہم تمہیں 11 وِیں دیتے ہیں ۔  چونکہ یہ سرکاری عطیہ ہے ،  اس لئے تمام دُنیا میں پھیل گیا ۔   الحمدللہ !  صدیاں گزر جانے کے بعد بھی اب تک غُلامانِ غوثِ اعظم ربیع الآخر میں خصوصاً اور اس کے عِلاوہ ہر اسلامی مہینے کی 11 تاریخ کو ذوق و شوق کے ساتھ 11 وِیں شریف کا اہتمام کرتے ہیں ۔  ^{([2] )}

تیرے جد کی ہے بارہویں غوثِ اعظم    ملی ہے تجھے گیارہویں غوثِ اعظم

تجھے سب نے جانا ،  تجھے سب نے مانا        تری سب میں دُھومیں مچیں غوثِ اعظم^{([3] )}