Book Name:Qaroon Ko Naseehat
نقش کر لینا چاہئے:
اَلْوَلَایَةُ لِلّٰهِ الْحَقِّؕ- تمام اختیار سچّے اللہ کا ہے۔
ہم کس بات پر شیخی ماریں؟ کیسے فخر کریں؟ کس بات پر تکبُّر کریں؟ ہمارا ہے کیا ؟
اَلْوَلَایَةُ لِلّٰهِ الْحَقِّؕ- تمام اختیار سچّے اللہ کا ہے۔
جے چاہْوَیں تے راہ جاندے نُوں تخت عطا فرماوَیْں
جے چاہْوَیں تے شاہاں کولوں در در خیر منگاوَیْں
وضاحت: اے اللہ پاک! تُو بےنیاز ہے، تُو چاہے تو غریبوں فقیروں کو تخت عطا فرما دے اور تُو چاہے تو بادشاہوں کو فقیر بنا دے۔
*اس لئے کبھی بھی فخر نہ کریں*تکبُّر نہ کریں*شیخی نہ ماریں*اللہ پاک نے مال عطا کیا ہے تو یہ اس کی عطا ہے*اس نے کسی کو غریب رکھا ہے تو یہ اس کی تقسیم ہے۔ بس سَر جھکا کر ہی رکھیں۔ حدیثِ پاک میں ہے: مَنْ تَوَاضَعَ لِلّٰہِ رَفَعَہُ اللہ ُیعنی جو اللہ پاک کے لئے عاجزی اختیار کرتا ہے، اللہ پاک اسے بلندی عطا فرما دیتا ہے۔ ([1])
مٹا دے اپنی ہستی کو اگر کچھ مرتبہ چاہے
کہ دانہ خاک میں مِل کر گُلِ گلزار بنتا ہے
اللہ پاک ہمیں *مال و دولت *اچھی آواز*اچھے اَخْلاق*عقل مندی اور دیگر نعمتوں کے معاملے میں فخر و تکبُّر اور شیخی میں مبتلا ہونے سے محفوظ فرمائے اور ہمیشہ خُود پسندی سے بچنے اور عاجزی اختیار کئے رہنے کی توفیق نصیب فرمائے۔
گناہوں سے مجھ کو بچا یا الٰہی! بُری عادتیں بھی چُھڑا یا الٰہی!