Book Name:Qabar Ka Muamla Aasan Nahi
کس قدر ہولناک مناظر ہیں، کہیں وہ شخص ہے جس کا سر پتھر سے کچلا جا رہا ہے*کسی کے جبڑے لوہے کی سُلاخ سے چیرے جا رہے ہیں *کچھ لوگ ہانڈی کی طرح اُبلتے ہوئے پانی کی نہرمیں غوطے دئیے جا رہے ہیں *کسی کے جسم میں آگ پُھونکی جا رہی ہے *کچھ کو سڑا ہوا، بدبودار گوشت کھلایا جا رہا ہے *کچھ کو انگارے کھلائے جا رہے ہیں *کچھ ایسے ہیں کہ انہی کے پہلوؤں سے گوشت کاٹ کر انہی کو کھلایا جا رہا ہے۔ کیا یہ ایسے عذابات ہیں جو ہم برداشت کر پائیں گے...!! آہ! کس میں ہمّت ہے، کون ایسی طاقت رکھتا ہے....!! مگر افسوس! *ہم سُدھرتے نہیں ہیں*ہم ڈرتے نہیں ہیں*گُنَاہ اور نافرمانی کی بات ہو*عیش و عشرت اور فضول کاموں (Useless Activities)کی بات ہو تو آج اور ابھی تیار ہیں اگر توبہ کی بات آ جائے تو ٹال مٹول شروع کر دیتے ہیں۔ کاش! ہمیں خوفِ خُدا نصیب ہو جائے، کاش! قبر و آخرت کی فِکْر نصیب ہو جائے۔
یاخدا میری مغفرت فرما باغِ فِردوس مَرحَمَت فرما
تُو گناہوں کو کر مُعاف اللہ! میری مقبول معذِرت فرما
مصطَفٰے کا وسیلہ توبہ پر تُو عنایت مُداوَمَت فرما
قبر جنّت کا باغ یا جہنّم کا گڑھا ہو گی
حضرت ابو سعىد خُدرى رَضِیَ اللہُ عنہ سے روایت ہے، پیارے آقا، مدینے والے مصطفےٰ صَلَّی اللہُ عَلَیْہِ وَ آلِہٖ وَ سَلَّم نے فرمایا: لذتوں کو ختم کرنے والی موت کو کثرت سے یاد کرو کیونکہ قبر روزانہ پکار کر کہتی ہے : *میں اَجْنَبِیَّت کا گھر ہوں *میں تنہائی کا گھر ہوں *میں مٹی کا گھر ہوں *اور میں کیڑے مکوڑوں کا گھر ہوں۔ جب مومن کو قبر میں دفنایا