Book Name:ALLAH Pak Ki Khufiya Tadbeer
اللہ پاک نہ کرے کہ ہمارا اندازبھی خبیث شیطان جیسا ہو، بہت کم لوگ ہیں جو *جہنّم کے عذابات کا سُن کر*قبر و آخرت کی ہولناکیوں کا بیان سُن کر*اللہ پاک کی خفیہ تدبیر کے بارے میں روایات سُن کر اپنے آپ کے بارے میں غور کرتے ہیں، عام طور پر لوگ یہی سمجھ رہے ہوتے ہیں کہ *مجھے کچھ نہیں ہونے والا*مجھے تو اللہ پاک بخش ہی دے گا*یہ روایات*یہ عذابات*یہ ہولناکیاں میرے لئے نہیں بلکہ دوسروں کیلئے ہیں۔
اے عاشقانِ رسول! ایسا مت سوچئے! اللہ پاک بےنیاز ہے، وہ کسی کا محتاج نہیں ہے، میرے بارے میں اللہ پاک کی خفیہ تدبیر کیا ہے،مجھے اس بارے میں سوچنا ہے، اس کی فِکْر کرنی ہے*میں آج نمازی ہوں، آہ! کل نمازی نہ رہ سکا تو کیا بنے گا؟ *میں آج نیک ہوں، کل مجھ سے نیکی کی توفیق چھین لی گئی تو میرا کیا بنے گا؟ *ہائے! ہائے! مجھے توبہ کی توفیق نہیں مِل پا رہی* آہ! میں گُنَاہ نہیں چھوڑ پا رہا...! افسوس! اگر اس میں اللہ پاک کی خفیہ تدبیر ہوئی، *آہ! اگر میں اپنا ایمان سلامت لے کر دُنیا سے نہ جا سکا تو میرا کیا بنے گا...!! میں کہاں جاؤں گا؟ کس کے در پر سہارا لوں گا...؟
کس کے در پر میں جاؤں گا مولیٰ گر تُو ناراض ہوگیا یارب!
وقتِ رِحلَت اب آگیا مولیٰ! جلوۂ مصطَفٰے دکھا یارب!
قبر میں آہ! گُھپ اندھیرا ہے روشنی ہو پئے رضا یارب!
نورِ احمد سے قبر روشن ہو وَحشَتِ قبر سے بچا یارب!([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد