سیکھنے سِکھانے کے حلقوں کا جدول

(1):مختلف مَوضوعات پر مختصربیان:5منٹ (2):دُعا یاد کرنا:5 منٹ (3):فکرِ مدینہ :5 منٹ۔کُل دورانیہ:15منٹ

آج کے سیکھنے سکھانے کے حلقوں میں جنازے   کو کندھا دینےکی 3 سنتیں سکھائی جائیں گی اور  مصیبت زدہ کو دیکھ کر پڑھنے کی دعا یاد کروائی جائے گی۔دعایاد کروانے کے بعد نیک اعمال کے رسالےسے اجتماعی جائزہ لیا جائے گا۔اِنْ شاۤء اللہُ الکَرِیْم !

دُرُود شریف کی فضیلت

فرمانِ آخری نبی، رسولِ ہاشمی صلی اللہُ عَلَیْہِ وَ آلِہٖ وَسَلَّم: مجھ پر دُرُود ِپاک پڑھنا پُل صراط پر نور ہے،جو جُمُعہ کے دن مجھ پر 80 بار دُرُودِ پاک پڑھے اُس کے 80 سال کے گناہ معاف ہوجائیں  گے۔ ^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

جنازے  کو کندھا دینےکی 3 سنتیں 

پیارے اسلامی بھائیو!جنازے کو کندھا دینا عبادت ہے۔^([2])

فرمانِ مصطفےٰ صَلَّی اللہ عَلَیْہِ وَ آلِہٖ وَ سَلَّم

رسولِ ذیشان مکی مدنی سلطان صَلی  اللہُ عَلَیْہ وَآلہٖ وَسَلَّم نے فرمایا: جو 40 قدم جنازہ لے کر چلے اُس کے 40 کبیرہ گناہ مٹا دئیے جائیں گے۔^([3])

جنازے  کو کندھا دینے کی 3 سنتیں

جنازے  کو کندھا دینے کی 3 سُنَّتَیں ہیں:

(1):4 شخصوں کا چار پائی اُٹھانا۔

وضاحت: ضرورت ہو مثلاً جگہ تنگ ہو تو 2 شخص بھی چار پائی اُٹھا سکتے ہیں مگر بلا ضرورت ایسا کرنا مکروہ ہے ۔