Home ≫ Al-Quran ≫ Surah Al Hijr Ayat 20 Urdu Translation Tafseer
| Tarteeb e Nuzool:(54) | Tarteeb e Tilawat:(15) | Mushtamil e Para:(13-14) | Total Aayaat:(99) |
| Total Ruku:(6) | Total Words:(730) | Total Letters:(2827) | |
{وَ جَعَلْنَا لَكُمْ فِیْهَا مَعَایِشَ:اور تمہارے لیے اس میں زندگی گزارنے کے سامان بنائے۔}ا س آیت کا ایک معنی یہ ہے کہ ہم نے تمہارے لئے زمین میں زندگی گزارنے کے سامان بنائے اور تمہارے لئے وہ جاندار پیدا کئے جنہیں تم رزق نہیں دیتے بلکہ اللّٰہ عَزَّوَجَلَّ رزق دیتا ہے۔ دوسرا معنی یہ ہے کہ ہم نے تمہارے لئے اور ان جانداروں کے لئے زمین میں زندگی گزارنے کے سامان بنائے جنہیں تم رزق نہیں دیتے ۔ یہ دو مفہوموں پر فرق اصل میں عربی گرامر کے اعتبار سے ہے۔ آیت میں ’’زندگی گزارنے کے سامان‘‘ سے کھانے ، پینے اور پہننے کی وہ تمام چیزیں مراد ہیں جن کی دنیوی زندگی پوری ہونے تک انسان کو ضرورت ہے۔ اور ’’جنہیں تم رزق نہیں دیتے‘‘ میں اہل و عیال، لونڈی غلام ، خدمت گار ، چوپائے اور حشراتُ الارض داخل ہیں ،ان کے بارے لوگ یہ گمان کرتے ہیں کہ وہ انہیں رزق دیتے ہیں ، یہ لوگوں کی غلط فہمی ہے کیونکہ اللّٰہ تعالیٰ ہی اِنہیں اور اُنہیں سب کو رزق دیتا ہے۔ (مدارک، الحجر، تحت الآیۃ: ۲۰، ص۵۸۰، خازن، الحجر، تحت الآیۃ: ۲۰، ۳ / ۹۹، ملتقطاً)
