پارَ ہائے صُحُف غُنْچہ ہائے قُدُس      اَہْلِ بیتِ نَبوّت پہ لاکھوں سلام

آبِ تَطہیر سے جس میں پودے جمے        اس رِیاضِ نَجابت پہ لاکھوں سلام

خونِ خَیْرُ الرُّسُل سے ہے جن کا خمیر        اُن کی بے لَوث طِینت پہ لاکھوں سلام

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

حَسَنَیْنِ کَرِیْمَیْن کے لئے رو شنی کا انتظام ہو گیا :

میٹھے میٹھے اسلامی بھائیو!نبیِّ کریم ،رؤ فٌ رَّحیم  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو اَہْلِ بیت میں سب سے عَزِیز اور محبوب حَسَنَیْنِ کَرِیْمَیْن تھے ،آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکبھی دونوں شَہزادوں کو اپنے کندھوں پر سُوار کرلیا کرتے، حتّٰی کہ نماز میں سجدے کی حالَت میں دونوں  پُشتِ اَطْہر پرسُوار ہوتےتو آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سجدہ طَویل کردیا کرتے  اورجب سجدے سے سرِ اَقْدس اٹھاتے  تواِنہیں آرام سے زمین پر بٹھادیتے ۔

حضرت سَیّدُنا ابُوہُرَيْرَه رَضِیَ اللہُ تَعَالٰی عَنْہُ سے مَروی ہے کہ ایک روز  ہَم  سرکارِ نامدار، مدینے کے تاجدارصَلَّی اللہُ تَعَالٰی عَلَیْہِ وَاٰلِہٖ وَسَلَّم کے ہمراہ نمازِ عِشاءاداکررہے تھے،سركارصَلَّی اللہُ تَعَالٰی عَلَیْہِ وَاٰلِہٖ وَسَلَّم جب سَجدے مىں گئے تو امام حَسَن اورامام  حُسَىن رَضِیَ اللہُ تَعَالٰی عَنْہُمَا،آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کى پُشت مُبارَک پر سُوار ہوگئے۔ آپصَلَّی اللہُ تَعَالٰی عَلَیْہِ وَاٰلِہٖ وَسَلَّم نے سجدے سے سَر اٹھاىا تو ان کو  نَرْمى سے پکڑ کر زمىن پر بٹھادىا،پھر  جب آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم دوبارہ سجدے مىں گئے تو امام حَسَن  اور امام حُسَىن رَضِیَ اللہُ تَعَالٰی عَنْہُمَا نے دوبارہ اىسے ہى کىا، حتى کہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم  نے نماز مکمَّل فرمالی اور ان دونوں کو اپنى رانوں پر بِٹھالىا۔ (مسند احمد،مسند ابی ھریرة، ۳/۵۹۲،حدیث:۱۰۶۶۴ بدون الی امھما،البداية والنهاية ثم دخلت سنة احدوستین،۵/۷۱۶)اسی طرح بَچْپَن میں ایک مَرتبہ  خُطْبے کے دوران دونوں