Book Name:Sadqay ki Baharain ma Afzal Sadqaat
صدْرُ الْافَاضِل حضرت علّامه مولانا سَيد مُفتي محمد نعيمُ الدّين مُراد آبادي رَحْمَۃُ اللّٰه ِتَعَالٰي عَلَيه هن آيت تحت لکن ٿا: يعني آزمائش ۾ وجھي ته توهان نعمت، عزت ۽ مال حاصل ڪري شُڪر گُذار ڪيئن رهو ٿا ۽ پاڻ ۾ هڪ ٻئي سان ڪهڙي قسم جو سُلوڪ ڪيو ٿا۔([1])
مٺا مٺا اسلامي ڀائرو! بيان ڪيل آيت سڳوري ۽ ان جي تفسير مان معلوم ٿيو ته دُنيا دارُالامتحان (يعني آزمائش جو گھر) آهي، هتي ڪنهن کي نعمتن ۽ نوازشن جي ذريعي آزمايو پيو وڃي، ته ڪنهن کي انهن شين کان محروم ڪري آزمائش ۾ وڌو پيو وڃي ته نعمتون ملڻ تي ڪير ڪهڙي انداز ۾ شُڪر يا ناشُڪري ڪري ٿو ۽ نعمتون نه ملڻ تي ڪير ڪهڙي طرح صبر يا بي صبري ڪري ٿو، تنهنڪري اسان کي کپي ته هرحال ۾ صبر ۽ شُڪر سان ڪم وٺندي شرعي اَحڪامن تي عمل سان گڏوگڏ خُوش دِلي سان گهڻو ڪري صَدَقو ۽ خَيرات ڪيون ۽ پنهنجي آخرت جي لاءِ اَجر ۽ ثَوَاب جو ذَخِيرو گڏ ڪرڻ ۾ مصروف رهون۔ قرآنِ ڪريم ۾ مختلف هنڌن تي صَدَقو ۽ خَيرات ڪرڻ جي ترغيب ۽ تاڪيد بيان ڪئي وئي آهي، جيئن ته سيپاري 27 سورة الحديد جي آيت نمبر 10 ۾ ارشادِ خداوندي آهي:
| وَمَا لَكُمْ أَلَّا تُنْفِقُوا فِي سَبِيلِ اللَّهِ وَلِلَّهِ مِيرَاثُ السَّمَاوَاتِ وَالْأَرْضِ (پ۲۷،الحديد:۱۰) | تَرْجموڪنز الايمان: ۽ توهان کي ڇا آهي جو الله جي راھ ۾ خرچ نٿا ڪيو حالانڪ آسمانن ۽ زمين سڀ جو وارث الله ئي آهي. |
”سڀ جو وارث الله عَزَّ وَجَلَّ ئي آهي“ ان جي وضاحت ڪندي صدرُ الافَاضِل حضرت علّامه مولاناسَيد مفتي محمد نعيمُ الدّين مُراد آبادي رَحْمَۃُ اللّٰه ِتَعَالٰي عَلَيه فرمائن