Book Name:Qaboliyat e Dua Kay Waqiyat
۾ الله عَزَّ وَجَلَّ کي ياد ڪري ۽ دُنيا و آخرت جي ڀلائين کي حاصل ڪرڻ ۽ طرح طرح جي مشڪلن کان نجات جي لاءِ بارگاھ الٰهي ۾ ٻاڏائي ڪري دُعا گھري ۽ دُعا ۾ غفلت نه ڪري ۔
صَــلُّـوْا عَـلَـی الْـحَبِيْـب! صَـلَّـی اللهُ تَعالٰـی عَلـٰی مُـحَـمَّد
مٺا مٺا اسلامي ڀائرو! ياد رهي ته دُعا افضل ترين عبادت آهي، جنهن جي ذريعي هڪ مسلمان پنهنجي رَبّ عَزَّ وَجَلَّ سان ڄڻ ته هم ڪلام ٿيندو آهي، حديثِ پاڪ ۾ آهي: اَفْضَلُ الْعِبَادَةِ الدُّعَاءُ يعني دُعا افضل ترين عبادت آهي۔([1]) ان ڪري جهڙي طرح تمام عبادتن جا ڪجھ نه ڪجھ شرائط ۽ آداب هوندا آهن، جن تي انهن عبادتن جي قبوليت ۽ دُرُستگي جو دار و مدار هوندو آهي، اهڙي طرح دُعا جا به ڪجھ آداب آهن، دُعائن جي قبوليت ۾ انهن آداب کي هڪ خاص اهميت حاصل آهي، جيڪڏهن دُعا ۾ انهن آداب جو خيال رکيو وڃي ته قبوليتِ دُعا جا اِمڪان وڌي ويندا آهن، تنهنڪري جيڪڏهن اسان چاهيون ٿا ته اسان جون دُعائون بارگاھ اِلٰهي ۾ قبول ٿين ته اسان کي کپي ته دُعا جي آداب جو خاص خيال رکندا ڪيون۔
ڪتاب”فضائلِ دُعا“ جو تعارف
اَلحمدُلِلهِ عَزَّوَجَلَّ دُعائن جي قبوليت جي آدابِ جي معلومات حاصل ڪرڻ جي لاءِ مڪتبة المدينه جي شايع ٿيل 326 صفحن تي مشتمل ڪتاب”فضائلِ دُعا“جو مطالعو ڪرڻ بي حد مُفيد آهي، اهو ڪتاب درحقيقت اعليٰ حضرت رَحْمَة اللّٰه ِتَعَالٰي عَلَيه جي والد محترم حضرت علّامه مولانا نقي علي خان رَحْمَة اللّٰه ِتَعَالٰي عَلَيه