مَدَنی کام“مُسَلمانوں کو بَاعَمَل بنانےکیلئے” مَدَنی اِنعامات کا تُحْفَہ“اور دُنیا بھر کے لوگوں کی اِصْلاح کی کوشِش کیلئے دُنیا کے کئی مُمَالِک میں”مَدَنی قافِلوں اور ہفتہ وار اِجْتِماعات“ کا مَدَنی جال بِچھایا جاچُکا ہے ”گُونگے بِہرے، نابینااِسلامی بھائیوں اور جیلوں میں قَیدیوں کی اِصْلاح“کے لئے مَجالِس قائم ہیں،” مَخْتَلِف سَطْح کی مُشَاوَرَتوں کا قِیام“اور اِس طرح سُنَّتوں کی خِدمت کےشُعبہ جات کو قائم فرمانے کے بعد سارا نِظام ”مَرْکَزِی مَجْلسِ شُوْریٰ“کے سِپُردکردیا،آپ دَامَتْ بَـرَکاتُہُمُ الْعَالِیَہ   اِن کی کارکردگی پر نَظَر رکھتے ہیں اور ضَرُورتاً اِصْلاح کے مَدَنی پُھولوں سے بھی نَوازتے ہیں۔اِِس کے عِلاوہ بَیانات و مَدَنی مُذَاکَروں اور تَحریری رَسائِل وکُتُب عطا فرماکر  بھی مُسَلمانانِ عالَم کو سُنَّتوں کے سانچے میں ڈھالنے کی بَھرپُور سَعِی(کوشِش)فرماتے ہیں،آپ دَامَتْ بَـرَکاتُہُمُ الْعَالِیَہ   کی تَحریری کاوِشوں میں سے ایک بہترین کاوِش آپ  دَامَتْ بَـرَکاتُہُمُ الْعَالِیَہ   کی تَصنیف”نیکی کی دَعْوَت“بھی ہے کہ جس میں آپ دَامَتْ بَـرَکاتُہُمُ الْعَالِیَہ   نے نیکی کی دَعْوَت کی ضَرُورت،نیکی کی دَعْوَت کی فضیلت،نیکی کی دَعْوَت تَرْک کردینے کے نُقصانات پر مُشْتَمِل بَہُت سے اَنمول  مَدَنی پُھولوں کو بَیان  فرمایا ہے لہٰذا آج ہی اِس کتاب کو مکتبۃُ المدینہ کے بَستے سے ہَدِیَّۃً طَلَب فرمائیے،اِسے خود بھی پڑھئے اوردوسری اسلامی بہنوں کو بھی پڑھنے کی تَرْغِیْب دِلائیے،دعوتِ اِسلامی کی ويب سائٹ www.dawateislami.net سے اِس کتاب کو رِیڈ(یعنی پڑھا)بھی جا سکتا ہے،ڈاؤن لوڈ (Download)اور پِرِنٹ آؤٹ (Print Out)بھی کِيا جا سکتا ہے۔

بَیان کردَہ دِینی خِدمات کے عِلاوہ اَمِیْرِاَہلسُنّت دَامَتْ بَرَکاتُہُمُ الْعَالِیَہ کااپنی اِنْفِرادی عِبادات کوقائم رکھنا جس میں فَرائِض کی پابندی،نَوافِل مَثَلًاتَہَجُّد،اِشْراق وچاشْت و ا َوَّابِین کی ادائیگی کے ساتھ ساتھ سال کا اَکْثَر حِصَّہ روزے رکھنے میں اِسْتِقَامَت،تِلاوتِ قُرآن،سُنَّتوں اورمُسْتَحَبَّات پر عَمَل اپنی مِثال آپ ہے۔

یاد رہے!اَمِیْرِاَہلسُنّت دَامَتْ بَرَکاتُہُمُ الْعَالِیَہ  کی عظیم دِینی خِدمات کی دُھوم نہ صِرْف بَرِّصَغِیر پاک و ہِنْد