کی تَعمیر و تَرَقِّی کے سِلْسِلے میں بے حد مُخْلِص پایا۔آپ(دَامَتْ بَـرَکاتُہُمُ الْعَالِیَہ  ) کی تَحریک سے وابَسْتَہ نَو جوانوں کا سُنّتِ رَسُول صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ میں ڈَھلا ہُوا سانْچَا، خُود پُکا ر پُکا ر کر مَوْلانا کے اِخْلاص و اِسْتِقامت و مِحْنَت و جِدّو جُہْد کی مُسَلْسَل خَبَر دے رہا ہے۔ بِلَامُبَالَغَہ آپ اَہلِ سُنَّت و جَمَاعت کے لئے ایک قیمتی سَرمایہ ہیں۔(فیضان مرشد،ص۲۳)

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنوں!مُسَلمانوں میں’’نیکی کی دَعْوَت‘‘عام کرنے کی جتنی ضَرورَت آج ہے شاید پہلے کبھی نہ تھی کیونکہ آج مُسَلْمانوں کی بھاری اَکْثَرِیَّت بے عَمَلی کا شِکار ہے،نیکیاں کرنا نَفْس کیلئے بے حد دُشوار اور اِرْتِکابِِ گُناہ بَہُت آسان ہوچُکاہے،مَسْجِدوں کی وِیرانی اور سینما گھروں اور ڈِراما گاہوں کی رَوْنَق ، دِین کا دَرد رکھنے والوں کوآٹھ(8)آٹھ(8) آنْسُو رُلاتی ہے۔مُوبائل،اِنْٹَر نیٹ کاغَلَط اِسْتِعْمال کرنے والوں نے گویااپنی آنکھوں سے حَیادھو ڈالی ہے،تکمیلِ ضَروریات و حُصُولِ سَہُوْلِیات کی حد سے زِیادہ جِدّوجُہْدنے مُسَلْمانوں کی بھاری تعداد کو فِکْرِ آخِرت سے بِالکُل غافِل کر دیا ہے،ذرا سوچئے! جَہَنَّم میں لے جانے والے اَعمال میں مَصْرُوف رہنے والوں کو جَنّت میں لے جانے والے اَعمال پر کون آمادَہ کرے  گا؟ہمیں خُود ہی ایک دوسرے کی اِصْلاح کی کوشِش کرنی ہوگی،’’نیکی کی دَعْوَت‘‘کا جَذبَہ بڑھانا ہوگا،لہٰذااِنْفِرادی کوشِش  کواپنی عادَت بنائیے کیونکہ نیکی کی دَعْوَت میں اِنْفِرادی کوشِش کا بَہُت اَہَمّ کِرْدَار ہے۔آئیے!اب ہم سُنتے ہیں کہ  اِنْفِرادی کوشِش کِسے کہتے ہیں اور تبلیغِ دِین کی اِشاعَت و تَرْوِیج میں اِس  کی کِیا اَہَمِیَّت ہے چُنانچہ

اِنْفِرادی کوشِش کی تعریف