بُو کا پتا چل جاتا ہے کہ جو پانى اِستعمال کىا جارہا ہے وہ حِفظانِ صحّت کے حوالے سے نقصان دہ تو نہىں،اِسی طرح روزہ نہ ہو توکُلِّی کےساتھ غَرغرہ کرنابھی سُنّت ہےاورپابندی کےساتھ غَرغرے کرنے والا کوّے (Pharynx)بڑھنے،گلے میں موجود ٹانسلز کے انفیکشن اور گلے کے بہت سارے اَمراض حتّٰی کہ گلے کے کینسر سےمحفوظ رَہتا ہے۔

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

ناک میں پانی ڈالنے کےطِبِّی فوائد

میٹھےمیٹھےاسلامی بھائیو!دورانِ وُضو ناک میں پانی ڈالنا طِبِّی اِعتبار سے بہت مفید ہے  اور یہ  عمل کئی بیماریوں سے محفوظ  رکھتاہے کیونکہ  ہم سارا دن ناک کے ذریعے سانس لیتے ہیں،جس کے سبب سانس کے ذریعے  ناک میں دُھواں،گَرد و غُبار اور طرح طرح کے جراثیم چلے جاتے ہیں۔دن بھرمیں وُضُو کرتے ہوئے تقریباً15مَرتبہ ناک میں پانی ڈالنے سے یہ جراثیم،گرد و غبار اور دُھوئیں سے ہونے والی مُہْلِک بیماریوں سے بچاؤ ممکن ہوجاتا ہیں،اِسی طرح پھیپھڑوں کو ایسی ہَوا درکار ہوتی ہے جو جراثیم، دُھوئیں اور گَرد و غُبار سے پاک ہواور اُس میں80فیصدرَطُوبت(یعنی تَری)ہو،ایسی ہَوافراہم کرنے کے لئے اللہ پاک نے ہمیں  ناک کی نعمت سے نوازا ہے،وُضُو کرتے ہوئے ناک  میں پانی ڈالنے کی بَرَکت سے ہم بےشُمار پیچیدہ اَمراض سے محفوظ ہوجاتے ہیں،دائمی نَزلہ اور ناک کےزخم کے مریضوں  کے لئے ناک کا غُسْل(یعنی وُضُو کی طرح ناک میں پانی چڑھانا)بے حد مفید ہے اور ماہِرینِ” ہائیڈروپیتھی“یعنی پانی سے علاج کےماہِرین کےنزدیک ناک میں پانی ڈالنا بَصارَت(نظر)کوتیز کرتا ہے ۔

میٹھے میٹھے اسلامی بھائیو!عُموماً بعض  لوگ اپنے چہرے(Face)کی خوبصورتی و ترو تازگی  بڑھانے اور کیل مہاسوں سے جان چُھڑانےکے لیے چہرے پر مُختلِف ٹوٹکے و نسخے آزماتے اور مہنگی مہنگی کریمیں