-2جو نرمی سے محروم رہا وہ ہر بھلائی سے محروم رہا۔      (مسلم ،        کتاب البر والصلۃ،        باب فضل الرفق،  ص۱۰۷۲،        حدیث:  ۲۵۹۲)

  -3اللہ  پاك  اس شخص پر رحم فرمائےجو کچھ بیچے تو نرمی کرے،   کچھ خریدے تو نرمی کرے اور جب اپنے حق کا تقاضا کرے تب بھی نرمی کرے۔     (بخاری،  کتاب البیوع،  با ب السھولۃ ..الخ،  ۲    /    ۱۲،        حدیث:  ۲۰۷۶)   

میٹھے میٹھے اسلامی بھائیو!  غور کیجئے ! جب خرید و فروخت   (Sale & Purchase)  کی چند لمحوں کی ملاقات میں بھی شریعت کو نرمی مطلوب ہے تو وہ افراد جن سے برسوں کا ساتھ ہو وہاں  تو اورزیادہ نرمی درکار ہوگی۔     اس لیے رشتہ دار ہو یا اجنبی،  بڑا ہو یا چھوٹا،  دکاندار ہو یا چوکیدار،  ملازم ہو یا افسرہمیں ہر ایک سے نرمی سے پیش آنا چاہیے۔  

البتہجہاں شریعت نے سختی کا حکم فرمایا ہے،  وہاں شریعت کے دائرے میں رہتے ہوئے اللہ پاک کی رِضا کے لیے سختی کرنی ہوگی،  مثلاً اگر محرم بے پردگی کرے تو اس پر غیرت کھانا،   8سالہ بچہ یا بچی نماز میں سُستی کرے تو سختی کرنا ،        مگریاد رہے!نجاست کو نجاست سے پاک نہیں کیا جاتا،  پانی سے پاک کیا جاتا ہے،        یہ نہ ہو کہ کسی کو سدھارنے کے لیے سختی کی اور شریعت کی حدود توڑ کر خود گناہ گار اور جہنم کے حقدار بن جائیں۔   اللہ پاک ہمیں نرمی کی عادت بنانےکی توفیق عطا فرمائے۔    اٰمِین بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلِہٖ وَسَلَّم 

بنا دو صَبْر و رِضا کا پیکر،                                                                بنوں خوش اخلاق ایسا سَرْوَر

رہے سدا نَرْم ہی طبیعت،                                                           نبیِّ رَحمت شفیعِ اُمّت

  (وسائلِ بخشش مرمم،        ص۲۰۸)

صَلُّو ْا عَلَی الْحَبِیْب!                                       صَلَّی اللہُ تَعَالٰی عَلٰی مُحَمَّد

12 مدنی کاموں میں سے ایک مدنی  کام ”مسجددرس“

میٹھے میٹھےا سلامی بھائیو!اپنی ذات میں نرمی کا وصف اور مزید اعلی اوصاف پیدا کرنے کے لئے عاشقانِ رسول کی مَدَنی تحریک دعوتِ اسلامی سے وابستہ  (Associate)  ہو کر ذیلی حلقے کے 12 مَدَنی کاموں میں بڑھ چڑھ کر حِصَّہ لیجئے۔   ذیلی حلقے کے12مَدَنی کاموں میں سے روزانہ کاایک  مَدَنی کام” مسجددرس“بھی ہے۔