Book Name:Apni Islah Ka Nuskha
ہر مبلغہ بیان کرنے سے پہلے کم از کم تین بار پڑھ لے
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
سَعَادَۃُ الدَّارَیْن میں ہے کہ ایک شخص نے دَربارِ رسالت میں حاضِر ہو کر فَقر و فاقہ اورتنگیِ رِزْق کی شِکایت کی تو قاسمِ نعمت،نبیِ رحمت،شفیعِ اُمّتصَلَّی اللّٰہُ عَلَیْہِ واٰلِہٖ وَسَلَّمَ نے فرمایاکہ جب تم اپنے گھر میں داخل ہوا کرو تو سلام کرلیا کرو،چاہے گھر میں کوئی ہو یا نہ ہو۔پھر مجھ پر سَلام کہا کرو اور ایک مرتبہ سورۂ اِخلاص یعنی قُلْ ھُوَاللہ شریف پڑھ لیا کرو۔اس شخص نے ایسا ہی کیا تو اللہ پاک نے اس پر رِزْق کھول دیا حتّٰی کہ اس کے ہمسایوں (Neighbours) اور رِشتے داروں کو بھی اس رِزْق سے حصّہ پہنچا۔([1])
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
پىاری پىاری اسلامى بہنو! حُصُولِ ثَوَاب کی خَاطِر بَیان سُننےسے پہلےاَچّھی اَچّھی نیّتیں کر لیتی ہیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِـيَّةُ الْمُؤْمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔([2])
مَدَنی پھول : نیک اور جائز کام میں جِتنی اَچّھی نیّتیں زِیادہ،اُتنا ثواب بھی زِیادہ۔