اُوځي^[1]سركارِ مدينه صَلَّى اللهُ تَعَالٰى عَلَيْهِ وَاٰلِهٖ وَسَلَّم نور فرمائي: بيا د دې نيك بنده روح اسمان طرف ته اوچت كړے شي، د هغه د پاره د اسمان دروازے بيرته كړے شي، د اسمان فرښتے تپوس كوي: دا څوك دے؟ روح وړونكي فرښتے وائي: دا فلانے دے. اسمان والا فرښتے وائي: مرحبا! پاك روح چې په پاك بدن كښې وو، راشه...!! ته د تعريف قابل ئې، ستا د پاره راحت، خوشحالي او د پاك رزق زيرے دے او دا چې ستا ربّ ستا نه ناراضه نه دے. د هر اسمان فرښتے هم دغه شان وائي تر دې چې هغه روح د الله پاك په دربار كښې حاضر كړے شي.^([2])

     اے عاشقانِ رسول! د الله پاك آخري نبـي صَلَّى اللهُ تَعَالٰى عَلَيْهِ وَاٰلِهٖ وَسَلَّم د خپل بيان سلسله جاري اوساتله او نور اِرشاد ئې اوفرمائيلو: او كه انسان بد وي نو فرښتے وائي: اے خبيثه رُوحه چې په خبيث بدن كښې وے، اُوځه! اُوځه! ته د مُذَمَّت او ملامتيا حقدار ئې، ستا د پاره د سرو كړو اوبو، نَـوونو او دغه شان د نورو عذابونو زيرے دے. فرښتے هُم دا وائي، وائي تر دې چې روح د بدن نه اُوځي، بيا هغه د آسمان طرف ته اوچت كړے شي، د اسمان دروازے اوډبولے شي نو د اسمان فرښتے تپوس كوي: دا څوك دے؟ فرښتے وائي: دا فلانے دے. نو د اسمان فرښتے وائي: د ده د پاره مرحبا نشته، دا خبيث روح  دے كوم چې په خبيث بدن كښې وو، بيرته اوګرځه ملامته شوے...!! د ده د پاره د اسمان دروازے نه بيرته كيږي، بيا دا د اسمان نه را غوزار كړے شي تر دې چې قبر ته (يعنې مُقامِ سِجِّىن كوم چې د ووه زمكو لاندې دے هلته) اورسي.^([3])