کہ طائِف والے آپ صَلَّی اللہ عَلَیْہِ وَ آلِہٖ وَ سَلَّم کے پیغامِ حق کو قبول کرتے ، ان بدبختوں نے الٹا آپ  صَلَّی اللہ عَلَیْہِ وَ آلِہٖ وَ سَلَّم  پرپتھر برسانا شروع کر دئیے !

یہ دردناک واقعہ بیان کرتے ہوئے بھی امیرِ اہلسنت پر رِقَّت طاری ہو گئی ، آپ کافِی دیر روتے رہے اور اس موقع پر آپ نے جو درد بھرے الفاظ کہے ، آپ بھی سنیئے ! آپ نے فرمایا : آہ ! وہ ظالم نوجوان ( یعنی طائِف کے اوباش لڑکے )  میری آنکھوں کی ٹھنڈک اور دل کے چین ، رحمتِ دارین ، تاجدارِ حَرَمَین ، سرورِ کَونَین ، نانائے حَسَنَین صَلَّی اللہ عَلَیْہِ وَ آلِہٖ وَ سَلَّم کی جان کو آ گئے اور تالیاں بجاتے ، طرح طرح سے پھبتیاں کستے پیچھا کرنے لگے ، یکایک اِن ظالموں نے پتَّھر اُٹھا لیے اور دیکھتے ہی دیکھتے… آہ ! آہ ! صد ہزار آہ ! میرے آقا ، میرے دل کے سُلطان آقا ، رحمتِ عالمیان آقا صَلَّی اللہ عَلَیْہِ وَ آلِہٖ وَ سَلَّم کے جسمِ مبارک پر پتَّھراؤ شُروع کر دیا ، ہائے کاش ! سگِ مدینہ  عُفِیَ عنہ اُس وقت پیدا ہو کر ایمان لا چکا ہوتا… کاش ! دیوانہ وار… پروانہ وار … مستانہ وار…وہ سارے پتَّھر اپنے جِسم پر جھیلتا۔ ^{( [1] )}

مگر کریں کیا نصیب میں تو یہ نامُرادی کے دن لکھے تھے

یہ الفاظ کہتے ہوئے امیر اہلسنت پر رِقَّت طاری تھی اورآپ غمِ مصطفےٰ میں آنسو بہا رہے تھے۔

مری آنکھوں میں تم ہر دَم سمانا یارسولَ اللہ !            دِلِ وِیراں کو جلووں سے بسانا یارسولَ اللہ !

نہ دولت دو ، نہ دو کوئی خزانہ یارسولَ اللہ !               سکھا دو عشق میں رونا ، رُلانا یارسولَ اللہ !

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد