تُو اپنی موت کو مت بھول کر سامان چلنے کا

زمیں کی خاک پر سونا ہے اِینٹوں کا سِرہانا ہے

نہ بَیلی ہو سکے بھائی نہ بیٹا باپ تے مائی

تُو کیوں پھرتا ہے سَودائی عمل نے کام آنا ہے

عزیزا یاد کر جس دن کہ عِزرائیل آئیں گے

نہ جاوے کوئی تیرے سَنگ اکیلا تُو نے جانا ہے

جہاں کے شَغل میں شاغِل خدا کے ذِکر سے غافِل

کرے دعوٰی کہ یہ دنیا مِرا دائم ٹِھکانہ ہے

غُلام اِک دَم نہ کر غفلت حیاتی پر نہ ہو غُرَّہ

خدا کی یاد کر ہر دم کہ جس نے کام آنا ہے

عذاباتِ قبر کے ہولناک مناظر

پیارے اسلامی بھائیو!  قبر کا معاملہ بہت ہی دُشوار (Difficult)ہے، خوش نصیب ہے جو قبر میں پُر سکون رہا اور جس کی قبر میں پکڑ ہو گئی، وہ بہت ہی نقصان میں ہے۔ عالَمِ برزخ میں گنہگاروں کو کس قدر سخت عذاب ہوتے ہیں، آئیے! عبرت کے لئے چند روایات سنتے ہیں:

 گُنَاہوں کے عذابات کا نقشہ

مسلمانوں کے چوتھے خلیفہ حضرت علیُّ المرتضٰی شیرِ خُدا رَضِیَ اللہُ عنہ بیان کرتے ہیں کہ حضورنبی کریم صَلَّی اللہُ عَلَیْہِ وَ آلِہٖ وَ سَلَّم ایک دن نمازِفجرپڑھاکرہماری طرف متوجہ