قیام کی تعریف

سیدھے کھڑا ہونا قیام کہلاتا ہے۔ اس کا کم سے  کم درجہ یہ ہے کہ ہاتھ بڑھائے تو گھٹنوں تک نہ پہنچیں۔

قیام  کی 3سنتیں

قیام کی 3 سنتیں ہیں:

(1): ہاتھ باندھنا۔⁽¹⁾ (2):دونوں پاؤں کے درمیان 4 انگلیوں کا فاصلہ رکھنا۔⁽²⁾ (3):تَراوُح بھی سنت ہے۔⁽³⁾

تَراوُح کسے کہتے ہیں: کبھی ایک پاؤں پر زور دینا کبھی دوسرے پر  زور دینا تَراوُح ہے یہ سنت ہے،لیکن سیدھی جانب اور اُلٹی جانب جھومنا مکروہ ہے۔⁽⁴⁾

ہاتھ باندھنے کا سُنّت طریقہ: مردکے لئے سنت یہ ہے کہ  ناف کے نیچے سیدھے  ہاتھ کی ہتھیلی اُلٹے ہاتھ کی کلائی کے جوڑ پر رکھے، چھنگلیا (یعنی چھوٹی انگلی)اور انگوٹھا کلائی کے اَغَل بَغَل رکھے اور باقی انگلیوں کو الٹے ہاتھ کی  کلائی کی پُشْت پر بچھائے ۔⁽⁵⁾

نوٹ: نماز کے متعلق تفصیلی احکام سیکھنے کے لئے شیخِ طریقت امیرِاہلسنت  مولانا محمد الیاس عطار قادری دَامَتْ بَرَکَاتُہمُ العَالِیَہ کی کتا ب نماز کے احکام اور مکتبۃ المدینہ کی کتاب بہارِ شریعت ، حصّہ:3 پڑھ لیجئے!