تدفین کی 3  سنتیں

تدفین  کی 7 سُنَّتَیْں  ہیں،جن میں سے 3 ہم آج سیکھیں گے ۔

(1): مَیّت کو دفنانے کے لئے لَحَد بنانا سنت ہے۔

وضاحت: قبر 2 طرح کی ہوتی ہے: *شَقْ (شَ-قْ):یہ صندوق نما گڑھا کھود کر تیار کی جاتی ہے اور عام طور پر ہمارے یہاں   یہی رائج ہے*لَحَد اسے بغلی قبر بھی کہتے ہیں۔اس کے تیار کرنے کا طریقہ یہ ہے : صندوق نما گڑھا کھود کر اس میں   قبلہ کی طرف دیوار میں   اتنی جگہ کھودیئے!جس میں   میّت کو بآسانی رکھا جاسکے۔^([1])

(2): قبر گہری کھودنا۔^([2])

وضاحت: *قبرکی لمبائی  میّت کے قد کے برابر  *چوڑائی آدھے قد برابر *اور گہرائی  کم از کم نصف قد کے  برابر رکھی جائے  *بہتر یہ  ہے کہ گہرائی بھی قد برابر ہو۔^([3])

 (3):جس حالت میں موت ہو اسی حالت پر دفن کرنا سنت ہے۔^([4])

وضاحت :یعنی میّت کے ناخن وبال وغیرہ نہ  تراشے جائیں^([5])  * داڑھی یا سر کے بال میں کنگھا کرنا *ناخن تراشنا *کسی جگہ کے بال مونڈنا یا کترنا یا اُکھاڑنا مکروہ تحریمی ناجائز اور گناہ  ہے، جس حالت پر ہے اُسی حالت میں دفن کر دیجئے ^([6])*بعض جگہ رواج ہے کہ میّت  کے ہاتھ پاؤں پر مہندی لگاتے ہیں یہ بھی جائز نہیں۔^([7])