عمامہ شریف کی 4 سنتیں

مزید 4 سُنَّتَیْں جو آج سیکھنی ہیں ،وہ یہ ہیں :

(1):قِبلہ رُخ ^([1]) (2): کھڑے ہو کر عمامہ باندھنا۔^([2])

وضاحت:بغیر کسی مجبوری کے بیٹھ کر عمامہ نہ باندھیے! رسول اللہ صَلَّی اللہُ عَلَیْہِ وَ آلِہٖ وَ سَلَّم  نے  فرمایا:جس نے بیٹھ کر عمامہ باندھا، اللہ پاک اسے ایسی مصیبت میں مبتلا فرمائے گا،جس کی کوئی دوا نہیں۔^([3])علمائے کرام فرماتے ہیں: بیٹھ کر عمامہ باندھنا تنگدستی  کا سبب ہے۔^([4])

  (3): 1 یا 2 شملے چھوڑنا ۔^([5])

وضاحت: عمامے کا جو سِرا نیچے کی طرف  لٹکایا جاتا ہے اسے  شملہ  کہتے ہیں۔ شملہ بالکل نہ لٹکانا خلافِ سنَّت ہے۔^([6]) اللہ پاک کے آخری نبی، رسول ہاشمی صَلَّی اللہُ عَلَیْہِ وَ آلِہٖ وَ سَلَّم کبھی 1شملہ چھوڑتے جو عموماً  دونوں کندھوں کے درمیان پیٹھ مبارک پر ہوتا اور کبھی  2 شملے چھوڑتے  جو دونوں کندھوں کے درمیان ہوتے۔ اُلٹے کندھے پر  شملہ  لٹکاناخلافِ سنّت ہے۔^([7]) شملے کی کم از کم مقدار 4 اُنگل ہے اور زیادہ سے زیادہ آدھی پیٹھ تک یعنی  ایک ہاتھ ہو، حد سے زیادہ لمبا شملہ  رکھنااِسْرَاف ہے اور بہ نیّت تکَبُّر ہو تو حرام ۔ ^([8])