عبادت گذار نوجوان جو مقام

﴿1﴾ پنهنجي جواني ۾عبادت ڪرڻ واري نوجوان کي، پوڙهائپ ۾ عبادت ڪرڻ واري پوڙهي تي ائين ئي فضيلت حاصل آهي ته جيئن مُرسَلِين عَـلَيْـھمُ الـصَّلٰوة ُ وَالـسَّلَام کي سڀني نبين تي۔^([1])

ٻاهتر (72)صِدّيقن جي ثواب جو حقدار

﴿2﴾ جنهن نوجوان دُنيا جي لذت ۽ ان جي عيش وعِشرت کي ڇڏي ڏنو ۽ پنهنجي جواني ۾ اللہ عَزَّوَجَلَّ جي اِطاعت جي طرف اڳرائي ڪئي، اللہ عَزَّوَجَلَّ ان خوش نصيب کي ٻاهتر (72) صِدّيقِن جي برابر ثواب عطا فرمائيندو۔ ^([2])

الله عَزَّوَجَلَّ جو حقيقي ٻانهو

﴿3﴾ بيشڪ اللہ عَزَّوَجَلَّ پنهنجي مخلوق ۾ ان خُوبصورت نوجوان کي سڀ کان وڌيڪ پسند فرمائيندو آهي جيڪو پنهنجي جواني ۽ حُسن و جمال کي اللہ عَزَّوَجَلَّ جي عبادت ۾ صَرف ڪري ڇڏيو، اللہ عَزَّوَجَلَّ فرشتن جي سامهون اهڙي ٻانهي تي فَخر ڪندي ارشاد فرمائيندو آهي ته ”هي منهنجو حقيقي ٻانهو آهي۔“ ^([3])

الله عَزَّوَجَلَّ جو محبوب ٻانهو

﴿4﴾ بيشڪ اللہ عَزَّوَجَلَّ ان نوجوان سان مَحَبَّت فرمائيندو آهي جنهن پنهنجي جواني کي اِطاعتِ خُداوَندي ۾ فنا ڪري ڇڏيو هجي۔^([4])