Book Name:Barakate Namaz aur Tarke Namaz ke Waeiden
عُمرْ میں چُھوٹی ہَے گر کوئی نَماز جَلد ادا کر لے تُو آ غَفْلت سے بَاز
کر لے توبہ ربّ کی رحمت ہے بڑی قَبرْ میں وَرنہ سَزا ہو گی کَڑی
پیارے اسلامی بھائیو! جلدی جلدی اللہ پاک کی بارگاہ میں توبہ کر کے آج ہی سے نمازوں کی ادائیگی کا اہتمام شروع کردیجئے اور ساتھ ہی ساتھ آج تک قَضا ہونے والی تمام نمازوں کو جَلد از جَلد اَدا کرنے کی سچّی نِیَّت بھی کرلیجئے۔ قَضا نمازوں کو کِس طرح اَدا کرنا ہے اس کے لئے مَلْفوظاتِ اعلیٰ حَضْرت حِصّہ اَوّل صَفْحَہ70 تا 71 سے عَرْض و ارشاد مُلا حَظہ فرمایئے : بعض حاضِرین نے عَرْض کیا کہ حُضُور دُنْیوی مکروہات (مجبوریوں )نے ایسا گھیرا ہے کہ روز ارادہ کرتا ہوں آج قضا نَمازیں ادا کرنا شُروع کردوں گا مگر نہیں ہوتا!کیا یوں اَدا کروں کہ پہلے تمام نَمازیں فَجر کی اَدا کر لوں پھر ظُہر کی۔ پھر اور اَوْقات کی ، تو کوئی حَرج (تو نہیں )ہے ؟(نیز)مجھے یہ بھی یاد نہیں کہ کتنی نَمازیں قضا ہوئی ہیں ۔ ایسی حالت میں کیا کرنا چاہئے؟
ارشاد : قَضا نمازیں جلد سے جَلد اَدا کرنا لازِم ہے ، نہ مَعْلُوم کس وَقْت موت آ جائے ، کیا مُشکل ہے کہ ایک دن کی بیس رَکعتیں ہوتی ہیں (یعنی فجر کی دو رکعت فَرض اور ظُہر کے چار فَرض اور عَصْر کے چارفَرض اور مَغْرب کے تین فَرض اور عشاء کی سات رکعت یعنی چار فرض تین وِتْر)ان نَمازوں کوسِوائے طُلُوع و غُروب وزَوال کے ہر وَقْت اَدا کر سکتا ہے اور اِخْتیار ہے کہ پہلے فَجْر کی سب نَمازیں اَدا کر لے ، پھر ظُہر ، پھر عَصْر ، پھر مَغْرب ، پھر عشاء کی یاسب نَمازیں ساتھ ساتھ اَدا کرتا جائے اور ان کا ایسا حساب لگائے کہ تخمینہ(یعنی اَندازہ لگانے)میں باقی نہ رہ جائیں زِیادہ ہو جائیں تو حَرج نہیں اوروہ سب بقَدرِ طاقت رَفْتہ رَفْتہ جلد اَدا کرلے ، کاہِلی نہ کرے ۔ جب تک فَرض ذِمّہ پر باقی رہتا ہے کوئی نَفْل قَبول نہیں کیا جاتا۔ نِیَّت ان نَمازوں کی اِس طرح ہو مَثَلاً سو بار کی فجر قَضا ہے تو ہر بار یوں کہے کہ “ سب سے پہلے جو فجر مجھ سے قضاء