توره تِياره قبر کښې چې کيږدي تا                  بے عمله! ډير زيات به يَريږي ته

اوکړه توبه لوئ دے د الله رَحمت                   ګنې قبر کښې به پيښ شي درته ډير زَحمت

صَـــلُّـــوْا  عَـــلَـی   الْــحَـــبِــيْــب!                                                                      صَـلَّـی اللهُ   تَعالٰـی عَلـٰی   مُـحَـمَّد

(3) اے عاشقانِ رسول! هر مسلمان ته معلومه ده، او دا مني او يقين لري چې د مرګ راتلو سره قِصَّه نه ختميږي بلكه د مرګ نه پس هم ژوند دے، چې كله مونږه په قبر كښې كيښودے شو نو په قبر كښې به نَكِيرَين (سوال كوونكې فرښتے) هم راځي، زمونږ نه به په قبر كښې سوالات كوي، بيا به په حشر كښې پاڅيږو او هلته به زمونږ نه د يو يو نعمت مُتَعَلِّق سُوال كيږي. مونږ د دې هر څه نه خبر يُو خو آه...!! غفلت ګير کړي يُو، هائے افسوس! شپه ورځ زمونږ د ګناهونو سلسله جاري ده، خو د دې باوُجود [هُم که څوک زمونږ د اصلاح کولو کوشش کوي نو] په ډيره بے باكئ سره ورته وايو: مولانا! بيا به هغه وخت سره ګورو چې هر څه کيدل....! الله پاك ډير مهربانه، رحم كوونكے دے.

آو بالکل!! بيشكه الله پاك ډير مهربانه دے، بيشكه الله پاك ډىر رحم كوونكے دے، خو ياد ساتئ چې! د الله پاك فرمان دے:

اِنَّ بَطْشَ رَبِّكَ لَشَدِیْدٌؕ(۱۲)  (پارہ30،سورۃالبروج:12)     

مفهوم ترجمہ کنزُ العِرفان: بيشكه ستا د رب نيول ډير سخت دي.

     او واورئ! دا فرمان هم د اللهُ رَحمان و رَحِيم دے چې

اِعْلَمُوْۤا اَنَّ اللّٰهَ شَدِیْدُ الْعِقَابِ وَ اَنَّ اللّٰهَ غَفُوْرٌ رَّحِیْمٌؕ(۹۸)   (پارہ7،سورۃالمائدۃ:98)

مفهوم ترجمہ کنزُ العِرفان: خبر شئ چې الله سخت عذاب وركولو والا هم دے، او الله بخښونكے، مهربانه هم دے.

    او دا هم هغه رحمٰن او مهربان رَبّ فرمائيلي دي چې