اعلیٰ حضرت کی نصیحتیں

سیدی اعلیٰ حضرت رَحمۃُ اللہ عَلَیْہ سے مختلف مواقع پر جو سوالات ہوئے اور آپ نے اِن کے زبانی جواب ارشاد فرمائے ،  شہزادۂ اعلیٰ حضرت مفتئ اعظم ، حضرت علّامہ مصطفےٰ رضا خان رَحمۃُ اللہ عَلَیْہ نے ملفوظاتِ اعلیٰ حضرتکے نام سے اِن سب سوالات و جوابات کو ایک کتاب میں جمع کیا ہے۔

بہت معلوماتی اور دلچسپ کتاب ہے ، الحمد للہ ! دعوتِ اسلامی کے شعبے المدینۃ العلمیہ   ( Islamic Research Center ) نے اس پر کام کیا ہے ، یہ کتاب مکتبۃ المدینہ سے ہدیۃً طلب کی جا سکتی ہے۔

آئیے ! ملفوظاتِ اعلیٰ حضرت سے چند معلوماتی سوال جواب سنتے ہیں :

رکوع و سجدہ میں ٹھہرنے کی مِقْدار

بارگاہِ اعلیٰ حضرت رَحمۃُ اللہ عَلَیْہ میں سوال ہوا : کیا رکوع و سجدہ میں ایک بار سُبْحٰنَ اللہ کہہ لینے کی مِقْدَار ٹھہرنا کافی ہے؟

سیدی اعلیٰ حضرت رَحمۃُ اللہ عَلَیْہ نے فرمایا :  ہاں ! رکوع و سجود میں اِتنا ٹھہرنا فرض ہے کہ ایک بار سُبْحٰنَ اللہ کہہ سکے  (یعنی ایک بار سُبْحٰنَ اللہ کہنے میں جتنی دَیْر لگتی ہے ، اتنی دَیْر تک رکوع و سجدہ میں ٹھہرنا فرض ہے ) ۔  ^{( [1] )}    

پیارے اسلامی بھائیو ! بڑا اَہَم مسئلہ ہے ، ہمارے ہاں بہت سارے لوگ اس آفت میں مبتلا ہیں؛ وقت نکالتے ہیں ، مسجد میں آتے ہیں ، نمازیں پڑھتے ہیں مگر نہ جانے کیا