جهنم حرام ٿي ويندي آهي

حضرت عثمان بن مالڪ رَضِىَ اللهُ عَنْه کان روايت آهي، رسول رحمت، شفيع اُمّت صَلَّى اللهُ عَلَيۡهِ وَاٰلِهٖ وَسَلَّمَ فرمايو: جيڪو ٻانهو صرف ۽ صرف الله پاڪ جي رضا جي خاطر لَا اِلٰہَ اِلَّا اللہُ  چوي، بيشڪ الله پاڪ ان تي دوزخ جي باھ حرام فرمائي ڇڏي ٿو.^[1]

ڪلمو  شريف جنت جي چاٻي آهي

الله پاڪ جي آخري نبي   صَلَّى اللهُ عَلَيۡهِ وَاٰلِهٖ وَسَلَّمَ فرمايو: مَنْ مَاتَ وَہُوَ یَعْلَمُ اَنَّہٗ لَا اِلٰہَ اِلَّا اللہُ دَخَلَ الْجَنَّۃِ يعني جيڪو هن حال ۾ مئو جو اهو ڄاڻي ٿو الله پاڪ کان سواءِ ڪوبه عبادت جي لائق ناهي ته اهو جنت ۾ داخل ٿيندو.^[2] هڪ ٻي حديث شريف ۾ آهي: پياري آقا صَلَّى اللهُ عَلَيۡهِ وَاٰلِهٖ وَسَلَّمَ فرمايو: ثَمَنُ الْجَنّۃِ لَااِلٰہَ اِلَّا اللہُ  يعني جنت جي قيمت لَااِلٰہَ اِلَّا اللہُ  آهي.^[3]  هڪ روايت ۾ آهي: رسول اڪرم، نور مجسم صَلَّى اللهُ عَلَيۡهِ وَاٰلِهٖ وَسَلَّمَ  فرمايو:
مَفَاتِیْحُ الْجَنَّۃِ شَہَادَۃُ لَااِلٰہَ اِلَّا اللہُ  يعني جنت جون چاٻيون لَااِلٰہَ اِلَّا اللہُ  جي گواهي ڏيڻ آهي.^[4]

يعني جنت ۾ مختلف مقامات ۽ مختلف درجا آهن، هنن سڀني درجن جي چاٻي ڪلمو شريف آهي.^[5]

آسمانن ۽ جنت جي چاٻي

مشهور ولي ڪامل حضرت بايزيد بسطامي رَحْمَةُ اللهِ عَلَيۡه هڪ سفر ۾ هئا، کيس  غيب مان آواز آيو: اي بايزيد! سمعان نالي شهر ۾ ڪافرن جي عبادت گاھ ۾ وڃ، اتان جي ڪافرن سان گڏ سندن عيد جي اجتماع ۾ شرڪت ڪيو! حضرت