سیکھنے سِکھانے کے حلقوں کا جدول

(1):مختلف مَوضوعات پر مختصر بیان:5منٹ (2):دُعا یاد کرنا:5 منٹ (3):فکرِ مدینہ :5 منٹ،کُل دورانیہ:15منٹ۔

آج کے سیکھنے سکھانے کے حلقوں میں اذان واقامت کی  4سنتیں ^{(قِسط دوم)} سکھائی جائیں گی اور  ایمان مجمل  یاد کروایا جائے گا۔ ایمان مجمل  یاد کروانے کے بعد نیک اعمال کے رسالےسے اجتماعی جائزہ لیا جائے گا۔اِنْ شاۤء َاللہُ الکَرِیْم !

دُرُود شریف کی فضیلت

فرمانِ آخری نبی،رسولِ ہاشمی صلی اللہُ عَلَیْہِ وَ آلِہٖ وَسَلَّم: مجھ پر دُرُود ِپاک پڑھنا پُل صراط پر نور ہے،جو جمعہ کے دن مجھ پر 80 بار دُرُودِ پاک پڑھے، اُس کے 80 سال کے گناہ معاف ہوجائیں  گے۔ ^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

اذان واقامت کی 4 سنتیں (قِسط دوم)

آیتِ مبارکہ

اللہ پاک فرماتا ہے:

وَ مَنْ اَحْسَنُ قَوْلًا مِّمَّنْ دَعَاۤ اِلَى اللّٰهِ (پارہ:24،حمٓ السجدہ:33)

تَرْجَمْۂ کَنْزُ الْعِرْفَان:اور اس سے زیادہ کس کی بات اچھی ہے جو اللہ کی طرف بلائے ۔

ایک قول کے مطابق اس آیت میں اللہ پاک کی طرف بُلانے والے سے مراد اذان دینے والے اور تکبیر کہنے والے ہیں۔^([2])  مطلب یہ کہ اذان دینے اور اقامت کہنے والے کی بات سب سے زیادہ اچھی  ہے۔

فرمانِ مصطفےٰ صَلَّی اللہُ عَلَیْہِ وَ آلِہٖ وَ سَلَّم

رسولِ ذیشان ،مکی مدنی سلطان صَلی  اللہُ عَلَیْہ وَآلہٖ وَسَلَّم نے فرمایا:

مَنْ ‌اَذَّنَ ‌ سَبْعَ سِنِيْنَ مُحْتَسِبًا كُتِبَتْ لَهُ بَرَاءَةٌ مِنَ النَّارِ