سیکھنے سِکھانے کے حلقوں کا جدول

(1):مختلف مَوضوعات پر مختصر بیان:5منٹ (2):دُعا یاد کرنا:5 منٹ (3):فکرِ مدینہ :5 منٹ،کُل دورانیہ:15منٹ۔

آج کے سیکھنے سکھانے کے حلقوں میں عمامہ شریف کی 3 سنتیں  ^{(قسط اول )}سکھائی جائیں گی اور عمامہ  پہننے کی دعا یاد کروائی جائے گی۔دعا یاد کروانے کے بعد نیک اعمال کے رسالےسے اجتماعی جائزہ لیا جائے گا۔اِنْ شاۤء اللہُ الکَرِیْم !

دُرُود شریف کی فضیلت

فرمانِ آخری نبی،رسولِ ہاشمی صلی اللہُ عَلَیْہِ وَ آلِہٖ وَسَلَّم:جو مجھ پر ایک دن میں ایک ہزار بار درود ِپاک پڑھے گا ،وہ اس وقت تک نہیں مرے گا ،جب تک جَنَّت میں اپنا مقام نہ دیکھ لے۔^([1])

صَلُّوْا عَلَی الْحَبیب!                                                                   صَلَّی اللّٰہُ عَلٰی مُحَمَّد

عمامہ شریف کی 3 سنتیں قسط اول

پیارے اسلامی بھائیو!عمامہ باندھنا سُنّت ہے۔

فرمانِ مصطفےٰ صَلَّی اللہُ عَلَیْہِ وَ آلِہٖ وَ سَلَّم

رسول ِذیشان مکی مدنی سلطان صَلی  اللہُ عَلَیْہ وَآلہٖ وَسَلَّم نے فرمایا: عمامے مسلمانوں کا  وقار اور عرب کی عزت ہیں ،جب عرب عمامے اتار دیں گے ،اپنی عزت اتار دیں گے۔^([2])

عمامے کے مختصر فضائل:*عمامہ مسلمانوں کا تاج ہے *عمامہ پہننے سے حلم (قوتِ برداشت ) میں اضافہ ہوتا ہے*عمامہ حُسن وجمال میں  اضافہ کرتا ہے *عمامے میں عزت ،ہیبت اور وقار ہے *عمامہ پہن کر 2 رکعتیں پڑھنا بغیر عمامے کی  70 رکعتوں سے  افضل ہے* جو جمعہ کے دن عمامہ باندھے، اللہ پاک اس پر رحمت فرماتا  ہے اور فرشتے اس کے لئے مغفرت کی دعا کرتے ہیں۔ ^([3])